ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ເມສານີ້, ຫ້ອງການຖະແຫຼງຂ່າວລັດຖະບານຈີນໄດ້ຈັດກອງປະຊຸມຖະແຫຼງຂ່າວເພື່ອແຈ້ງຂໍ້ມູນລາຍຮັບລາຍຈ່າຍທີ່ເປັນສະກຸນເງິນຕາຕ່າງປະເທດໃນໄຕມາດທີ 1 ປີ 2019. ທ່ານນາງຫວາງຊຸ່ນຢີງ ໂຄສົກອົງການຄຸ້ມຄອງເງິນຕາຕ່າງປະເທດແຫ່ງຊາດຈີນ, ຫົວໜ້ານັກເສດຖະສາດ, ຫົວໜ້າກົມລາຍຮັບລາຍຈ່າຍສາກົນກ່າວວ່າ: ທຶນໝູນວຽນຂ້າມຊາດຂອງຈີນຮັກສາຄວາມໝັ້ນທ່ຽງໃນໄຕມາດທີ 1, ການສະໜອງ ແລະຄວາມຕ້ອງການຂອງຕະຫຼາດເງິນຕາຕ່າງປະເທດມີຄວາມດຸນດ່ຽງ.
ທ່ານກ່າວຕື່ມວ່າ: ປັດຈຸບັນນີ້, ເສດຖະກິດພາຍໃນປະເທດຈີນມີພື້ນຖານທີ່ດີ, ການເປີດປະຕູສູ່ພາຍນອກຢ່າງຮອບດ້ານໄດ້ສະໜອງນະໂຍບາຍພື້ນຖານທີ່ດີໃຫ້ແກ່ການໄຫຼວຽນຂອງທຶນຂ້າມຊາດ ແລະການພັດທະນາການລົງທຶນຂ້າມຊາດໄດ້ຢ່າງດຸນດ່ຽງ. ນອກຈາກນີ້, ການເຈລະຈາດ້ານເສດຖະກິດ-ການຄ້າລະຫວ່າງຈີນ ແລະອາເມຣິກາໄດ້ຮັບຄວາມຄືບໜ້າຕົວຈິງ, ໃນເດືອນມີນາຜ່ານມາ, ທະນາຄານກາງອາເມຣິກາໄດ້ສົ່ງສັນຍານບໍ່ຂຶ້ນອັດຕາດອກເບ້ຍໃນປີ 2019 ເຊິ່ງຈະເປັນການສ້າງເງື່ອນໄຂເອື້ອອຳນວຍຫຼາຍກວ່າເກົ່າໃຫ້ຕະຫຼາດເງິນຕາຕ່າງປະເທດຂອງຈີນເຄື່ອນໄຫວຢ່າງໝັ້ນທ່ຽງ.
ຄຳເຫັນ
0