ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ເມສານີ້ແມ່ນວັນສຸດທ້າຍຂອງບຸນປີໃໝ່ກຳປູເຈຍ, ຕົວເລກສະຖິຕິເບື້ອງຕົ້ນຂອງກະຊວງທ່ອງທ່ຽວກຳປູເຈຍສະແດງໃຫ້ເຫັນວ່າ, ໃນໄລຍະເວລາພັກ 3 ມື້, ທົ່ວປະເທດກຳປູເຈຍໄດ້ຕ້ອນຮັບນັກທ່ອງທ່ຽວທັງພາຍໃນແລະຕ່າງປະເທດ 4,7 ລ້ານກວ່າເທື່ອຄົນ.
ໃນໄລຍະບຸນປີໃໝ່, ແຂວງຕ່າງໆໃນທົ່ວປະເທດກຳປູເຈຍໄດ້ຈັດກິດຈະກຳຕ່າງໆເພື່ອດຶງດູດນັກທ່ອງທ່ຽວ. ເຈົ້າແຂວງແຂວງບັດຕຳບອງກ່າວວ່າ, ໃນໄລຍະແຕ່ວັນທີ 13 ຫາ 16 ເມສານີ້, ແຂວງຕົນໄດ້ຕ້ອນຮັບນັກທ່ອງທ່ຽວປະມານ 9,5 ແສນເທື່ອຄົນ ເຊິ່ງເປັນຕົວເລກຈຳນວນນັກທ່ອງທ່ຽວຫຼາຍກວ່າຄາດໝາຍ ແລະ ໂຮງແຮມບໍ່ສາມາດຕອບສະໜອງກັບຄວາມຕ້ອງການໄດ້ຢ່າງພຽງພໍ.
ບຸນປີໃໝ່ແມ່ນບຸນປະເພນີສຳຄັນທີ່ສຸດຂອງກຳປູເຈຍ. ເຈົ້າໜ້າທີ່ອຳນາດການປົກຄອງນະຄອນຫຼວງພະນົມເປັນກ່າວວ່າ, ໃນໄລຍະແຕ່ວັນທີ 12 ຫາ 18 ເມສານີ້, ອຳນາດການປົກຄອງນະຄອນຫຼວງໄດ້ນຳເອົາລົດເມ 120 ຄັນ ເພື່ອຈັດສົ່ງປະຊາຊົນໂດຍບໍ່ເສຍຄ່າ.
ຄຳເຫັນ
0