ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ເມສານີ້, ທ່ານ ເມຟລຸດ ຄາວຸໂຊກລູ ລັດຖະມົນຕີກະຊວງການຕ່າງປະເທດຕວກກີໄດ້ຕຳນິຕິຕຽນມາດຕະການຂວ້ຳບາດອີຣານຂອງອາເມຣິກາ ແລະກ່າວວ່າຕວກກີຈະລົງເລິກການຮ່ວມມືດ້ານເສດຖະກິດການຄ້າກັບອີຣານ.
ທ່ານ ເມຟລຸດ ຄາວຸໂຊກລູ ກ່າວວ່າ: ມາດຕະການຂວ້ຳບາດເສດຖະກິດອີຣານຂອງອາເມຣິກາແມ່ນຜິດພາດແລະບໍ່ສອດຄ່ອງກັບສະພາບຄວາມເປັນຈິງ,ຕວກກີແລະອີຣານພວມສະແຫວງຫາກົນໄກທີ່ສາມາດຫຼີກລ່ຽງການຂວ້ຳບາດຈາກອາເມຣິກາ.
ທ່ານເມຟລຸດ ຄາວຸໂຊກລູຍັງໄດ້ຕຳນິຕິຕຽນການກະທຳຂອງອາເມຣິກາທີ່ກຳນົດເອົາກອງປ້ອງກັນປະຕິວັດອິສລາມອີຣານເປັນກຸ່ມກໍ່ການຮ້າຍ. ທ່ານກ່າວວ່າ:ການກະທຳດັ່ງກ່າວແມ່ນ “ການຕັດສິນໃຈທີ່ຜິດພາດຮ້າຍແຮງ”,ເຊິ່ງຈະເປັນການທຳລາຍລະບົບແລະລະບຽບກົດໝາຍສາກົນຢ່າງໜັກໜ່ວງ,ທັງຈະທຳລາຍສັນຕິພາບ,ສະຖຽນລະພາບແລະການພັດທະນາເສດຖະກິດຂອງພາກພື້ນ.
ຄຳເຫັນ
0