ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 17 ເມສານີ້, ທ່ານອາລັນ ກາເຊຍ ເປເຣສ ອະດີດປະທານາທິບໍດີເປຣູທີ່ຖືກສົງໄສວ່າມີການສໍ້ລາດບາງຫຼວງໄດ້ຂ້າຕົວຕາຍເມື່ອຮັບຮູ້ຄຳສັ່ງກັກຕົວທ່ານຈາກອົງການຍຸດຕິທຳ.
ໃນຕອນເຊົ້າມື້ດຽວກັນ, ອົງການຍຸດຕິທຳເປຣູໄດ້ປະກາດວ່າຈະກັກຕົວທ່ານກາເຊຍທີ່ພວມຢູ່ໃນໄລຍະຮັບການສືບສວນນັ້ນເປັນເວລາ 10 ວັນ, ຈາກນັ້ນເຈົ້າໜ້າທີ່ຕຳຫຼວດໄດ້ໄປເຮືອນຂອງທ່ານເພື່ອດຳເນີນການຈັບກຸມ. ເພື່ອຫຼີກເວັ້ນການກັກຕົວ, ທ່ານກາເຊຍໄດ້ຍິງປືນໃສ່ຫົວຂອງຕົນ, ຈຶ່ງຖືກສົ່ງໄປໂຮງໝໍເພື່ອຜ່າຕັດຢ່າງຮີບດ່ວນແຕ່ທ່ານໄດ້ເສຍຊີວິດເນື່ອງຈາກອາການບາດເຈັບສາຫັດ.
ທ່ານກາເຊຍປີນີ້ອາຍຸ 69 ປີ, ໄດ້ດຳລົງຕຳແໜ່ງເປັນປະທານາທິບໍດີເປຣູໃນໄລຍະປີ 1985 ຫາ 1990 ແລະປີ 2006 ຫາ 2011. ໃນປີ 2014, ອົງການຍຸດຕິທຳບຣາຊິນໄດ້ດຳເນີນການສຳຫຼວດຕ້ານການສໍ້ລາດບາງຫຼວງ ເຊິ່ງໄດ້ເປີດເຜີຍວ່າ: ຜູ້ຮັບເໝົາກໍ່ສ້າງໄດ້ໃຫ້ສິນບົນຕໍ່ບຸກຄົນວົງການການເມືອງຂອງບຣາຊິນ ແລະປະເທດອາເມຣິກາໃຕ້ອື່ນໆເພື່ອເຊັນສັນຍາໂຄງການຂອງລັດຖະບານ.
ຄຳເຫັນ
0