ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 18 ເມສານີ້,, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ, ປັດຈຸບັນ, ຄະນະກຳມະການສະຫະພາບອາຟຼິກາ ຫຼື AU ພ້ອມດ້ວຍ 37 ປະເທດອາຟຼິກາໄດ້ເຊັນສັນຍາຮ່ວມມື “ໜຶ່ງແລວໜຶ່ງເສັ້ນທາງ” ກັບຈີນ. ໂຄງການຮ່ວມມືສຳຄັນຈຳນວນຫຼາຍພາຍໃຕ້ຂອບ “ໜຶ່ງແລວໜຶ່ງເສັ້ນທາງ” ຈີນ- ອາຟຣິກາໄດ້ເລີ່ມປະຕິບັດ ແລະ ໄດ້ຮັບຜົນງານໄລຍະຕົ້ນ.
ຫວ່າງມໍ່ໆມານີ້, ທ່ານເວຣາ ຊອງເວ ເລຂາທິການຮັບຜິດຊອບວຽກງານໃນຄະນະກຳມະການເສດຖະກິດອາຟລິກາຂອງອົງການສະຫະປະຊາຊາດ ຫຼື UNECA ໄດ້ໃຫ້ສຳພາດຕໍ່ນັກຂ່າວວ່າ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຈະຊຸກຍູ້ການພັດທະນາການເຊື່ອມຈອດຂອງອາຟຣິກາ ແລະ ສ້າງໂອກາດວຽກເຮັດງານທຳໃຫ້ແກ່ປະຊາຊົນອາຟຣິກາ. ຕໍ່ເລື່ອງນີ້, ທ່ານລູ້ຄ່າງກ່າວວ່າ, ວິໄສທັດຂໍ້ລິເລີ່ມ ແລະ ຂົງເຂດຮ່ວມມືໃນຂອບ “ໜຶ່ງແລວໜຶ່ງເສັ້ນທາງ” ໄດ້ສອດຄ່ອງກັບການຊຸກຍູ້ “ວາລະແຜນປະຕິບັດງານປີ2063” ,ທິດທາງແລະຂົງເຂດຈຸດສຸມພະຍາຍາມ ເພື່ອບັນລຸການພັດທະນາ ແລະ ຄວາມຈະເລີນຮຸ່ງເຮືອງຂອງປະເທດອາຟຣິກາໃນລະດັບສູງ, ແນວຄິດຮ່ວມມືຂອງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ໂດຍສະເພາະແມ່ນຫຼັກການທີ່ຮ່ວມປຶກສາຫາລື,ຮ່ວມກໍ່ສ້າງ,ຮ່ວມຊົມໃຊ້ແມ່ນສອດຄ່ອງກັບພື້ນຖານການຮ່ວມມື ແລະ ສາຍພົວພັນລະຫວ່າງຈີນ-ອາຟຣິກາໃນລະດັບສູງ.
ຄຳເຫັນ
0