ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ເມສານີ້, ກະຊວງການຄ້າຈີນໄດ້ເປີດເຜີຍຕົວເລກຂໍ້ມູນໂດຍສະແດງໃຫ້ເຫັນວ່າ: ແຕ່ເດືອນມັງກອນຫາເດືອນມີນາປີນີ້,ຈີນໄດ້ດຶງດູດການລົງທຶນຕ່າງປະເທດທີ່ມີມູນຄ່າຫຼາຍກວ່າ 242,2 ຕື້ຢວນ,ເພີ່ມຂຶ້ນ 6,5% ເມື່ອທຽບໃສ່ໄລຍະດຽວກັນຂອງປີກາຍ.ໃນນັ້ນ,ການລົງທຶນຕ່າງປະເທດໃນເຂດທົດລອງການຄ້າເສລີໄດ້ກວມຫຼາຍກວ່າ 10%.
ທ່ານ ກ່າວເຟີ່ງ ໂຄສົກກະຊວງການຄ້າຈີນໄດ້ໃຫ້ຮູ້ວ່າ: ໃນໄຕມາດທຳອິດຂອງປີນີ້,ການລົງທຶນຕ່າງປະເທດໃນຂະແໜງການການຜະລິດທີ່ເຕັກນິກກ້າວໜ້າແລະຂະແໜງການບໍລິການທີ່ເຕັກນິກກ້າວໜ້າຂອງຈີນໄດ້ເພີ່ມຂຶ້ນຢ່າງຫຼວງຫຼາຍ.ທ່ານກ່າວວ່າ: “ການລົງທຶນຕ່າງປະເທດຂອງຂະແໜງການເຕັກນິກກ້າວໜ້າໄດ້ເພີ່ມຂຶ້ນ 50,6% ເມື່ອທຽບໃສ່ໄລຍະດຽວກັນຂອງປີກາຍ, ການລົງທຶນຕ່າງປະເທດໃນຂະແໜງການການຜະລິດເຕັກນິກກ້າວໜ້າໄດ້ເພີ່ມຂຶ້ນ 14,8% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ,ຂະແໜງການການຜະລິດອຸປະກອນເອເລັກໂຕຣນິກແລະໂທລະຄົມເພີ່ມຂຶ້ນ 46,9% ແລະ ຂະແໜງການການຜະລິດຄອມພິວເຕີແລະອຸປະກອນຫ້ອງການເພີ່ມຂຶ້ນ 42,6%. ສ່ວນຂະແໜງການການບໍລິການເຕັກນິກກ້າວໜ້າໄດ້ເພີ່ມຂຶ້ນ 88%.”
ຄຳເຫັນ
0