ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 18 ເມສານີ້ວ່າ: ນັບມື້ນັບຫຼາຍຂຶ້ນທີ່ຫຼາຍປະເທດໄດ້ສະແດງທ່າທີຢ່າງຍຸດຕິທຳຕໍ່ວິສາຫະກິດວິທະຍາສາດເຕັກນິກຈີນທີ່ເຂົ້າຮ່ວມການກໍ່ສ້າງເຄືອຂ່າຍໂທລະຄົມລະບົບ 5 G ເຊິ່ງເປັນການຢັ້ງຢືນອີກເທື່ອໜຶ່ງວ່າ ປະເທດສ່ວນຫຼາຍໃນໂລກໄດ້ມີການຄັດເລືອກນະໂຍບາຍທີ່ສອດຄ່ອງກັບຜົນປະໂຫຍດຂອງຕົນຢ່າງເປັນອິດສະຫຼະບົນພື້ນຖານຄວາມເປັນຈິງ ແລະສຸມກຳລັງເຂົ້າໃນການສ້າງແລະປົກປັກຮັກສາສະພາບແວດລ້ອມຕະຫຼາດທີ່ຍຸຕິທຳ,ເປັນທຳແລະບໍ່ມີການຈຳແນກ.
ເຖິງວ່າ ອາເມຣິກາໄດ້ເລັ່ງທວງອີກແລ້ວອີກຕື່ມໃຫ້ປະເທດເອີຣົບຫ້າມບໍ່ໃຫ້ບໍລິສັດຫົວເຫວີຍເຂົ້າຮ່ວມການສ້າງລະບົບ 5 G ກໍຕາມ, ແຕ່ວ່າ ເມື່ອບໍ່ດົນມານີ້, ທ່ານໂຈເຊັນ ໂຮມານ ຫົວໜ້າກົມເຄືອຂ່າຍອິນເຕີເນັດເຢຍລະມັນຢືນຢັນວ່າ ບໍ່ວ່າບໍລິສັດທີ່ເປັນຜູ້ສະໜອງອຸປະກອນໃດກໍຕາມ ເຊິ່ງລວມທັງບໍລິສັດຫົວເຫວີຍ ລ້ວນແຕ່ບໍ່ຄວນຖືກປະຕິເສດ. ໂຄສົກສູນຄວາມປອດໄພທາງອິນເຕີເນັດແບັກຊິກກໍຢືນຢັນເຊັ່ນດຽວກັນວ່າ: ມາເຖິງປັດຈຸບັນ ບໍ່ໄດ້ພົບວ່າ ຕົວຊີ້ວັດເຕັກນິກອຸປະກອນຂອງຫົວເຫວີຍເປັນໄພຂົ່ມຂູ່ເພື່ອສືບຂ່າວລັບ.
ຄຳເຫັນ
0