ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານກ່າວເຟີ່ງ ໂຄສົກກະຊວງການຄ້າຈີນກ່າວຢູ່ນະຄອນຫຼວງປັກກິ່ງໃນວັນທີ 18 ເມສານີ້ວ່າ: ໃນໄລຍະມໍ່ໆມານີ້, ການປຶກສາຫາລືເອກະສານສັນຍາເສດຖະກິດການຄ້າລະຫວ່າງຈີນ-ອາເມຣິກາໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ, ແຕ່ຍັງມີວຽກງານຫຼາຍດ້ານຕ້ອງເຮັດໃຫ້ສຳເລັດ, ສອງຝ່າຍຈະສືບຕໍ່ຮັກສາການຕິດຕໍ່ພົວພັນກັນຢ່າງໃກ້ຊິດດ້ວຍຮູບການທີ່ມີປະສິດທິຜົນຕ່າງໆ.
ທ້າຍເດືອນມີນາຜ່ານມາ, ການປຶກສາຫາລືຂັ້ນສູງກ່ຽວກັບເສດຖະກິດການຄ້າຈີນ-ອາເມຣິກາຮອບທີ 8 ໄດ້ຈັດຂຶ້ນຢູ່ນະຄອນຫຼວງປັກກິ່ງ,ສຳລັບການປຶກສາຫາລືຮອບທີ 9 ທີ່ໄດ້ຈັດຂຶ້ນຢູ່ນະຄອນຫຼວງວໍຊິງຕັນໃນຕົ້ນເດືອນເມສານີ້, ສອງຝ່າຍໄດ້ປຶກສາຫາລືເອກະສານສັນຍາກ່ຽວກັບການຖ່າຍໂອນເຕັກນິກ, ການປົກປ້ອງຊັບສິນທາງປັນຍາ, ມາດຕະການທີ່ບໍ່ແມ່ນພາສີ, ຂະແໜງການບໍລິການ, ກະສິກຳ, ຄວາມດຸນດ່ຽງດ້ານການຄ້າ, ກົນໄກປະຕິບັດງານແລະອື່ນໆ ເຊິ່ງໄດ້ຮັບຄວາມຄືບໜ້າໃໝ່. ສອງຝ່າຍໄດ້ຕົກລົງຈະປຶກສາຫາລືກັນຕື່ມອີກກ່ຽວກັບບັນຫາຄົງຄ້າງດ້ວຍຮູບການຕ່າງໆທີ່ມີປະສິດທິຜົນ.
ຄຳເຫັນ
0