李敏

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二屆中國國際進口博覽會

ທ່ານ​ສີ​ຈີ້ນ​ຜິງ​ພົບ​ປະ​ສົມ​ເດັດໂນ​ໂຣ​ໂດມ ສີ​ຮາ​ໂມ​ນີ ເຈົ້າ​ຊີ​ວິດ​ລາ​ຊະ​ອາ​ນາ​ຈັກ​ກຳ​ປູ​ເຈຍ

2019-05-15 11:58:53 ຕາມ​ຂ່າວ​ສານ​ຊິ່ນ​ຮ​ວາ: ວັນ​ທີ 14 ພຶດ​ສະ​ພາ​ນີ້, ທ່ານ​ສີ​ຈີ້ນ​ຜິງ ປະ​ທານ​ປະ​ເທດ​ຈີນ​ພົບ​ປະ​ກັບ​ສົມ​ເດັດ ໂນ​ໂຣ​ໂດມ ສີ​ຮາ​ໂມ​ນີ ເຈົ້າ​ຊີ​ວິດ​ລາ​ຊະ​ອາ​ນາ​ຈັກ​ກຳ​ປູ​ເຈຍ ຢູ່​ຫໍ​ສະ​ພາ​ປະ​ຊາ​ຊົນ​​ທີ່​ນະ​ຄອນ​ຫຼວງ​ປັກ​ກິ່ງ.

ຕາມ​ຂ່າວ​ສານ​ຊິ່ນ​ຮ​ວາ: ວັນ​ທີ 14 ພຶດ​ສະ​ພາ​ນີ້, ທ່ານ​ສີ​ຈີ້ນ​ຜິງ ປະ​ທານ​ປະ​ເທດ​ຈີນ​ພົບ​ປະ​ກັບ​ສົມ​ເດັດ ໂນ​ໂຣ​ໂດມ ສີ​ຮາ​ໂມ​ນີ ເຈົ້າ​ຊີ​ວິດ​ລາ​ຊະ​ອາ​ນາ​ຈັກ​ກຳ​ປູ​ເຈຍ ຢູ່​ຫໍ​ສະ​ພາ​ປະ​ຊາ​ຊົນ​​ທີ່​ນະ​ຄອນ​ຫຼວງ​ປັກ​ກິ່ງ.

ທ່ານ​ສີ​ຈີ້ນ​ຜິງ​ຊີ້​ອອກວ່າ, ຝ່າຍ​ຈີນ​ຖະ​ໜຸ​ຖະ​ໜອມ​​ແລະຫວງ​ແຫນ​ມິດ​ຕະ​ພາບ​ພິ​ເສດ​ກັບພະ​ບໍລົມ​ມະ​ວົງສາ​ນຸວົງກຳ​ປູ​ເຈຍ. ຈີນ​ຈະ​ສະ​ໜັບ​ສະ​ໜູນ​ກຳ​ປູ​ເຈຍ​ກ້າວ​ເດີ​ນ​ຕາມ​ເສັ້ນ​ທາງ​ພັດ​ທະ​ນາ​ທີ່​ສອດ​ຄ່ອງ​ກັບ​ສະ​ພາບ​ຄວາມ​ເປັນ​ຈິງ​ຂອງ​ປະ​ເທດ​ຕົນ, ຮ່ວມ​ກັນ​ກັບ​ກຳ​ປູ​ເຈຍ​ຊຸກ​ຍູ້​ໃຫ້​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ລະ​ຫວ່າງ​ຈີນ​ກັບ​ກຳ​ປູ​ເຈຍ​ກ້າວ​ຂຶ້ນ​ສູ່​ລະ​ດັບ​ໃໝ່​ຢ່າງ​ບໍ່​ຢຸດ​ຢັ້ງ. ສອງ​ຝ່າຍ​ຄວນ​ປະ​ຕິ​ບັດ​ແຜນ​ການ​ເຄື່ອນ​ໄຫວ​​ສ້າງ​​ຄູ່ຮ່ວມ​ຊາ​ຕະ​ກຳ​ຈີນ-ກຳ​ປູ​ເຈຍ​ໃຫ້​ດີ, ເຮັດ​ໃຫ້​ປະ​ຊາ​ຊົນ​ສອງ​ປະ​ເທດ​ໄດ້​ຮັບ​ຜົນ​ປະ​ໂຫຍດ, ສ້າງ​ແບບ​ຢ່າງ​ໃຫ້​ແກ່​ປະ​ເທດ​ຕ່າງໆ ໃນ​ການ​ເຄົາ​ລົບ​ຄວາມ​ຫຼາກ​ຫຼາຍ​ຂອ​ງວັດ​ທະ​ນະ​ທຳ ແລະ​ຊຸກ​ຍູ້​ການ​ໄປ​ມາ​ຫາ​ສູ່​ກັນ​ ການ​ຖອດ​ຖອນ​ບົດ​ຮຽນລະ​ຫວ່າງ​​ອາ​ລະ​ຍະ​ທຳທີ່​ແຕກ​ຕ່າງ​ກັນ.

​ສົມ​ເດັດ​ສີ​ຮາ​ໂມ​ນີ​ກ່າວ​ວ່າ, ຂອບ​ໃຈ​​ລັດ​ຖະ​ບານ​ແລະ​ປະ​ຊາ​ຊົນ​ຈີນ​ທີ່​ມີ​ຄວາມ​ຮັກ​ແພງ​​ອັນເລິກ​ເຊິ່ງ​ຕໍ່ພະ​ບໍລົມ​ມະ​ວົງສາ​ນຸວົງ​ກຳ​ປູ​ເຈຍ ແລະ​ການ​ສະ​ໜັບ​ສະ​ໜູນ​​ທີ່ລ້ຳ​ຄ່າ​ຕໍ່​ປະ​ຊາ​ຊົນ​ກຳ​ປູ​ເຈຍ​​ໃນ​ໄລ​ຍະ​ຍາວ​ນານ​ມາ​ນີ້. ປະ​ຊາ​ຊົນ​ກຳ​ປູ​ເຈຍ​ຈະ​ຢູ່​ຮ່ວມ​ກັນ​ກັບ​ປະ​ຊາ​ຊົນ​ຈີນ​ຢ່າງ​ເດັດ​ດ່ຽວ​ໝັ້ນ​ໜຽວ​ບໍ່​ວ່າ​ພາຍ​ໃຕ້​ສະ​​ຖາ​ນະ​ການ​ແນວ​ໃດ​ກໍ່​ຕາມ. ກອງ​ປະ​ຊຸມສົນ​ທະ​ນາ​ອາ​ລະ​ຍະ​ທຳອາ​ຊີທີ່​ຈັດ​ຂຶ້ນ​ພາຍ​ໃຕ້​ຂໍ້​ລິ​ເລີ່ມ​ຂອງ​ທ່ານ​ປະ​ທານ​ສີ​ຈີ້ນ​ຜິງ​ ຈະ​ເປັນ​ການ​ເສີມ​ຂະ​ຫຍາຍ​ບົດ​ບາດ​ສຳ​ຄັນ​ຕໍ່​ການ​ແລກ​ປ່ຽນ​ວັດ​ທະ​ນະ​ທຳ​ແລະ​ຄວາມ​ເຂົ້າ​ໃຈ​ເຊິ່ງ​ກັນ​ແລະ​ກັນ​ລະ​ຫວ່າງ​ປະ​ເທດ​ຕ່າງໆ.

ຄຳ​ເຫັນ

0