ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 6 ມິຖຸນານີ້, ທ່ານສີຈິ້ນຜິງ, ປະທານປະເທດຈີນໄດ້ຕ້ອນຮັບການເຂົ້າພົບຂອງທ່ານດີມິຕຼີ ເມດເວເດຟ, ນາຍົກລັດຖະມົນຕີຣັດເຊຍຢູ່ນະຄອນຫຼວງມົສກູຂອງຣັດເຊຍ.
ທ່ານສີຈິ້ນຜິງໄດ້ຊີ້ອອກວ່າ, ປີນີ້ແມ່ນປີຄົບຮອບ 70 ປີແຫ່ງການສ້າງຕັ້ງສາຍພົວພັນທາງການທູດຈີນ-ຮັດເຊຍ. ການພົວພັນລະຫວ່າງຈີນ-ຮັດເຊຍໄດ້ຮັກສາການພັດທະນາໃນລະດັບສູງ, ເຊິ່ງມີລະດັບສູງສຸດທາງດ້ານຄວາມໄວ້ເນື້ອເຊື່ອໃຈກັນ, ການປະສານງານກັນແລະຄວາມໝາຍຍຸດທະສາດໃນການພົວພັນລະຫວ່າງປະເທດໃຫຍ່, ແລະໄດ້ປະກອບສ່ວນທີ່ສຳຄັນເຂົ້າໃນການຮັກສາສັນຕິພາບ, ສະຖຽນລະພາບແລະການພັດທະນາຂອງໂລກ. ປັດຈຸບັນນີ້, ການພົວພັນລະຫວ່າງຈີນ-ຣັດເຊຍໄດ້ກ້າວເຂົ້າສູ່ຍຸກໃໝ່, ການພົວພັນຄູ່ປະສານງານຍຸດທະສາດຮອບດ້ານລະຫວ່າງສອງປະເທດໄດ້ມີເນື້ອໃນໃໝ່ກຳເນີດຂຶ້ນເລື້ອຍໆ. ໂດຍປະເຊີນໜ້າກັບສະຖານະການສາກົນທີ່ສັບສົນແລະປ່ຽນກັນເລື້ອຍໆ, ໂດຍສະເພາະແມ່ນການກະທຳທີ່ບໍ່ຖືກຕ້ອງຈຳນວນໜຶ່ງທີ່ສະກັດກັ້ນການພັດທະນາຂອງປະເທດທີ່ເປັນຕະຫຼາດຈະເລີນໃໝ່, ຈີນ-ຣັດເຊຍເພີ່ມທະວີການປະສານງານຄູ່ຍຸດທະສາດຮອບດ້ານ, ມີຄວາມໝາຍສຳຄັນຕໍ່ການປົກປັກຮັກສາຜົນປະໂຫຍດຂອງຊາດແລະປະຊາຊົນຂອງສອງປະເທດ, ພ້ອມທັງການປົກປັກຮັກສາສັນຕິພາບສະຖຽນລະພາບແລະຄວາມຈະເລີນຮຸ່ງເຮືອງຂອງໂລກ.
ທ່ານດີມິຕຼີ ເມດເວເດຟກ່າວວ່າ, ປະມຸກລັດສອງປະເທດໄດ້ລົງນາມໃນຖະແຫຼງການໃນວັນທີ 6 ມິຖຸນານີ້, ໂດຍປະກາດວ່າການພົວພັນລະຫວ່າງຣັດເຊຍ-ຈີນໄດ້ກ້າວເຂົ້າສູ່ຍຸກໃໝ່, ມີຄວາມໝາຍທີ່ສຳຄັນ. ຣັດເຊຍ-ຈີນຕ້ອງເພີ່ມທະວີການປະສານງານດ້ານຍຸດທະສາດ, ຮ່ວມກັນຮັບມືກັບສິ່ງທ້າທາຍຮ່ວມກັນທີ່ຣັດເຊຍ, ຈີນແລະປະຊາຄົມໂລກປະເຊີນໜ້າ, ປົກປັກຮັກສາສັນຕິພາບແລະການພັດທະນາຂອງໂລກຢ່າງແທ້ຈິງ. ຣັດເຊຍຍິນດີຮ່ວມກັນກັບຈີນ, ນຳໃຊ້ກົນໄກການພົບປະເປັນປະຈຳລະຫວ່າງນາຍົກສອງປະເທດແລະອື່ນໆ, ປະຕິບັດຄວາມເຫັນທີ່ເປັນເອກະພາບກັນດ້ານການຮ່ວມມືທີ່ສຳຄັນລະຫວ່າງປະເທດຢ່າງຮອບດ້ານ, ລວມທັງການເຊື່ອມຕໍ່ການຮ່ວມມືຂອງສະຫະພັນເສດຖະກິດເອີຣົບອາຊີແລະການສ້າງ“ໜຶ່ງແລວໜຶ່ງເສັ້ນທາງ” ຮ່ວມກັນ.
ຄຳເຫັນ
0