ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
(ວັນທີ 14 ມີຖຸນານີ້ ທ່ານສີຈິ້ນຜິງ ປະທານປະເທດ ສປ ຈີນໄດ້ປະກອບຄຳເຫັນໃນກອງປະຊຸມສະພາມົນຕີປະມຸກລັດອົງການຮ່ວມມືຊຽງໄຮ້ຄັ້ງທີ 19)
ວັນທີ 14 ມີຖຸນານີ້ ທ່ານສີຈິ້ນຜິງ ປະທານປະເທດ ສປ ຈີນໄດ້ປະກອບຄຳເຫັນໃນກອງປະຊຸມສະພາມົນຕີປະມຸກລັດອົງການຮ່ວມມືຊຽງໄຮ້ຄັ້ງທີ 19 ໂດຍໄດ້ສະເໜີວ່າຕ້ອງສ້າງອົງການຮ່ວມມືຊຽງໄຮ້ໃຫ້ເປັນແບບຢ່າງແຫ່ງການສາມັກຄີກັນ ໄວ້ເນື້ອເຊື່ອໃຈເຊິ່ງກັນແລະກັນ, ຮ່ວມກັນຮັບຜິດຊອບຕໍ່ຄວາມໝັ້ນຄົງແລະຄວາມສ່ຽງ, ຕ່າງຝ່າຍຕ່າງມີຜົນປະໂຫຍດ, ກວມລວມ ແລະຮຽນຮູ້ເຊິ່ງກັນແລະກັນ, ເພື່ອສ້າງເປັນປະຊາຄົມຮ່ວມຊາຕາກຳຂອງອົງການຮ່ວມມືຊຽງໄຮ້ທີ່ມີຄວາມແໜ້ນແຟ້ນກວ່າເກົ່າ. ນີ້ເປັນການສະເໜີຄຳເຫັນໃຫ້ແກ່ການພັດທະນາຂອງອົງການຮ່ວມມືຊຽງໄຮ້ອີກຄັ້ງໜຶ່ງຫຼັງຈາກທ່ານປະທານສີຈິ້ນຜິງໄດ້ກ່າວຄຳເຫັນໃນກອງປະຊຸມສຸດຍອດອົງການຮ່ວມມືຊຽງໄຮ້ທີ່ເມືອງຊິງຕາວປີ 2018 ມາ, ເຊິ່ງໄດ້ສະແດງໃຫ້ເຫັນເຖິງການສະໜັບສະໜູນແລະການຊີ້ນຳນຳພາຂອງຈີນທີ່ມີຕໍ່ອົງການຮ່ວມມືຊຽງໄຮ້..
ເມື່ອໄດ້ພັດທະນາມາເປັນເວລາ 18 ປີ, ມາຮອດປັດຈຸບັນ ອົງການຮ່ວມມືຊຽງໄຮ້ໄດ້ກາຍເປັນອົງການຈັດຕັ້ງສາກົນທີ່ກວມປະຊາກອນຫຼາຍທີ່ສຸດ ແລະມີເນື້ອທີ່ກວ້າງຂວາງທີ່ສຸດຂອງໂລກ, ໄດ້ກາຍເປັນກຳລັງສຳຄັນໃນການຊຸກຍູ້ສັນຕິພາບແລະການພັດທະນາຂອງໂລກແລະປົກປັກຮັກສາຄວາມຍຸດຕິທຳໃນສາກົນ. ໃນກອງປະຊຸມມສຸດຍອດຄັ້ງນີ້, ທ່ານໄດ້ສະເໜີເຈດຈຳນົງ 4 ຂໍ້ເຊິ່ງມີຄວາມໝາຍຕົວຈິງເຊັ່ນກັນ
ເຈດຈຳນົງກ່ຽວກັບການສ້າງອົງການຮ່ວມມືຊຽງໄຮ້ໃຫ້ເປັນແບບຢ່າງແຫ່ງຄວາມສາມັກຄີແລະໄວ້ເນື້ອເຊື່ອໃຈກັນທີ່ສະເໜີໂດຍທ່ານສີຈິ້ນຜິງ ມີຄວາມໝາຍເປັນພິເສດໃນເງື່ອນໄຂທີ່ຄວາມຂັດແຍ້ງກັນໃນສາກົນແລະການເມືອງພູມີພາກຮຸນແຮງຂຶ້ນ. ສະພາບການແຫ່ງຊາດ, ວັດທະນະທຳ, ໄລຍະການພັດທະນາຂອງປະເທດສະມາຊິກຂອງອົງການຮ່ວມມືຊຽງໄຮ້ມີຄວາມແຕກຕ່າງກັນ, ແຕ່ອົງການນີ້ໄດ້ພັດທະນາເຕີບໃຫຍ່ ແມ່ນຍ້ອນວ່າທຸກຝ່າຍມີຄວາມສາມັກຄີແລະໄວ້ເນື້ອເຊື່ອໃຈກັນໃນທຸກດ້ານ. ຄວາມໄວ້ເນື້ອເຊື່ອໃຈກັນຖືເປັນປັດໄຈທີ່ດີທີ່ສຸດໃນການຂະຫຍາຍການພົວພັນສາກົນ, ບົດບາດການທີ່ເປັນແບບຢ່າງແຫ່ງຄວາມໄວ້ເນື້ອເຊື່ອໃຈກັນຂອງອົງການຮ່ວມມືຊຽງໄຮ້ຈະສາມາດຊ່ວຍເພີ່ມຄວາມເຊື່ອໃຈກັນໃນທົ່ວໂລກໄດ້.
ເຈດຈຳນົງກ່ຽວກັບການສ້າງອົງການຮ່ວມມືຊຽງໄຮ້ໃຫ້ເປັນແບບຢ່າງທີ່ຮັບຜິດຊອບຕໍ່ຄວາມໝັ້ນຄົງແລະຄວາມສ່ຽງ ແມ່ນໄດ້ເລັ່ງໃສ່ການສ້າງສະພາບແວດລ້ອມທີ່ມີຄວາມໝັ້ນຄົງ ແລະສະຖຽນລະພາບໃຫ້ແກ່ການພັດທະນາຂອງພກາພື້ນ. ທ່ານສີຈິ້ນຜິງກ່າວເນັ້ນວ່າ, ຕ້ອງຍຶດຖືທັດສະນະການພັດທະນາທີ່ຮ່ວມກັນ, ກວມລວມ, ຮ່ວມມືກັນແລະແບບຍຶນຍົງ, ໂຈມຕີອິດທິກຳລັງທີ່ໃຊ້ຄວາມຮຸນແຮງ, ອິດທິກຳລັງແບ່ງແຍກປະເທດແລະອິດທິກຳລັງຫົວຮຸນແຮງດ້ານສາສະໜາດ້ວຍຫຼາຍມາດຕະການ, ສະກັດກັ້ນທ່າອ່ຽງການແຜ່ຜາຍແນວຄິດຫົວຮຸນແຮງ, ຈີນຍິນດີສືບຕໍ່ໃຫ້ການຊ່ວຍເຫຼືອຕາມຄວາມສາມາດຂອງຕົນໃນການສ້າງສາອາຟການີສະຖານໃຫ້ມີສັນຕິພາບຄືນໃໝ່ ເຊິ່ງສະແດງໃຫ້ເຫັນວ່າຈີນມີຄວາມຮັບຜິດຊອບຢ່າງສູງໃນການປົກປັກຮັກສາຄວາມໝັ້ນຄົງແລະສະຖຽນລະພາບຂອງພາກພື້ນ.
ເຈດຈຳນົງຂອງທ່ານສີຈິ້ນຜິງກ່ຽວກັບການສ້າງອົງການຮ່ວມມືຊຽງໄຮ້ໃຫ້ເປັນແບບຢ່າງແຫ່ງການໄດ້ຮັບຜົນປະໂຫຍດຮ່ວມກັນນັ້ນ ໄດ້ສ່ອງແສງໃຫ້ເຫັນຄວາມຕ້ອງການຕໍ່ການພັດທະນາຂອງສະມາຊິກອົງການດັ່ງກ່າວ.ທ່ານປະທານສີຈິ້ນຜິງກ່າວເນັ້ນວ່າ, ຕ້ອງປົກປັກຮັກສາລະບຽບການຄ້າຫຼາຍຝ່າຍ, ຮ່ວມກັນສ້າງເສດຖະກິດໂລກແບບເປີດກວ້າງດ ແລະໄດ້ສະເໜີໃຫ້ມີການເຊື່ອມຈອດລະຫວ່າງຂໍ້ລິເລີ່ມໜຶ່ງແລວໜຶ່ງເສັ້ນທາງກັບຍຸດທະສາດການພັດທະນາຂອງປະເທດຕ່າງໆ ແລະສະຫະພາບເສດຖະກິດເອີຣົບອາຊີ, ຍຶດໝັ້ນການພັດທະນາດ້ວຍການປະດິດສ້າງໃໝ່, ເຊິ່ງເຈດຈຳນົງແລະມາດຕະການເຫຼົ່ານີ້ສອດຄ່ອງກັບຄວາມຕ້ອງການດ້ານການພັດທະນາຂອງປະເທດສະມາຊິກຕ່າງໆ, ແລະກໍ່ເປັນການປະກອບສ່ວນໃໝ່ຂອງຈີນໃນການຊຸກຍູ້ການຮ່ວມມືໃນພາກພື້ນອົງການຮ່ວມມືຊຽງໄຮ້. ຕົວເລກຂໍ້ມູນສະແດງໃຫ້ເຫັນວ່າ, ມາຮອດທ້າຍປີ 2018, ຈີນໄດ້ລົງທຶນຢູ່ບັນດາປະເທດສະມາຊິກອົງການຮ່ວມມືຊຽງໄຮ້ໃນຂົງເຂດກະສິກຳ, ອຸດສາຫະກຳການຜະລິດ, ພື້ນຖານໂຄງລ່າງແລະດ້ານອື່ນໆລວມທັງໝົດມີເຖິງ 86,2 ຕື້ໂດລາສະຫະລັດ.
ກ່ຽວກັບເຈດຈຳນົງທີ່ສ້າງອົງການຮ່ວມມືຊຽງໄຮ້ໃຫ້ເປັນແບບຢ່າງທີ່ກວມລວມແລະຮຽນຮູ້ເຊິ່ງກັນແລະກັນ ແມ່ນໄດ້ເລັ່ງສາຍຕາໃນການເພີ່ມພະລັງແຮງຢ່າງຕໍ່ເນື່ອງເຂົ້າໃນການພັດທະນາຂອງອົງການຮ່ວມມືຊຽງໄຮ້. ໂດຍທ່ານປະທານສີຈີ້ນຜິງສະເໜີອອກມາວ່າຈະລົງເລິກການຮ່ວມມືໃນຂົງເຂດວັດທທະນະທຳ, ການສຶກສາ, ການທ່ອງທ່ຽວ, ກິລາ ແລະສື່ມວນຊົນເປັນຕົ້ນ, ເຮັດໃຫ້ການຮ່ວມມືລະຫວ່າງທ້ອງຖີ່ນກາຍເປັນຈຸດເດັ່ນຕໍ່ການຮ່ວມມືດ້ານວັດທະນະທຳແລະບຸກຄະລາກອນ ນີ້ຈະມີຜົນດີໃນການຊຸກຍູ້ການແລກປ່ຽນແລະຖອດຖອນບົດຮຽນເຊິ່ງກັນແລະກັນດ້ານລະຫວ່າງອາລະຍະທຳພາກພື້ນ ແລະໃຫ້ປະຊາຊົນມີຄວາມເຂົ້າໃຈກັນຂຶ້ນຕື່ມ, ອັນເປັນການສ້າງພື້ນຖານດ້ານປະຊາຊົນຢ່າງໜັກແໜ້ນໃຫ້ແກ່ການບັນລຸການພັດທະນາແບບກວມລວມຂອງພາກພື້ນ.
ໃນຖານະເປັນອົງການຮ່ວມມືພາກພື້ນແບບກວມລວມທີ່ກວມປະຊາກອນເກືອບເຄິ່ງໜຶ່ງຂອງໂລກ, ອົງການຮ່ວມມືຊຽງໄຮ້ໄດ້ສຸມໃສ່ການສ້າງເປັນປະຊາຄົມຮ່ວມຊາຕາກຳທີ່ໜັກແໜ້ນກວ່າເກົ່າ, ເຊິ່ງມີຄວາມໝາຍຕົວຈິງທີ່ສຳຄັນໃນການໃຫ້ທົ່ວໂລກຮັບມືກັບສິ່ງທ້າທາຍຮ່ວມທີ່ນັບມື້ນັບເພີ່ມຂຶ້ນ, ແລະປົກປັກຮັກສາລັດທິຫຼາຍຝ່າຍ ແລະ ລະບຽບການສາກົນ.
ຄຳເຫັນ
0