ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມເຈົ້າໜ້າທີ່ຂັ້ນສູງຄັ້ງທີ 16 ແລະການສົນທະນາຍຸດທະສາດທາງການເມືອງຂອງເຈົ້າໜ້າທີ່ຂັ້ນສູງຄັ້ງທີ 5 ຂອງເວທີປຶກສາຫາລືການຮ່ວມມືຈີນ-ປະເທດອາຣັບໄດ້ຈັດຂຶ້ນຢູ່ນະຄອນຫຼວງອາບູດາບີສະຫະລັດອາຣັບເມມີເຣດໃນວັນທີ 18 ມິຖຸນານີ້. ສອງຝ່າຍໄດ້ລົງເລິກແລກປ່ຽນຄວາມເຫັນກ່ຽວກັບບັນຫາສຳຄັນຂອງພາກພື້ນແລະສາກົນທີ່ສອງຝ່າຍໃຫ້ຄວາມສົນໃຈຮ່ວມກັນໂດຍເນັ້ນໜັກວ່າຈະເພີ່ມທະວີການປະສານງານແລະການຮ່ວມມືໃນຂົງເຂດຕ່າງໆຕື່ມອີກ.
ຜູ້ຕາງໜ້າຂອງບັນດາປະເທດອາຣັບກ່າວວ່າຈະໃຫ້ຄວາມສຳຄັນຢ່າງສູງຕໍ່ການຂະຫຍາຍການພົວພັນກັບຈີນ, ຍິນດີຮ່ວມກັນກັບຈີນພາຍໃຕ້ຂອບເວທີປຶກສາຫາລືການຮ່ວມມືຈີນ-ປະເທດອາຣັບ, ຮ່ວມກັນຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ”, ເພີ່ມທະວີການຮ່ວມມືດ້ານການຕໍ່ຕ້ານລັດທິກໍ່ການຮ້າຍແລະກຳຈັດກຸ່ມຫົວຮຸນແຮງ, ສະໜັບສະໜູນລັດທິຫຼາຍຝ່າຍແລະຊຸກຍູ້ການສົນທະນາລະຫວ່າງອາລະຍະທຳຕ່າງໆ.
ທ່ານໜີຈ່ຽນ ເອກອັກຄະລັດຖະທູດຈີນປະຈຳສະຫະລັດອາຣັບເມມີເຣດ, ທ່າຄາເລັດ ນະເຢັຟ ອານ-ຮັບບັສ ຜູ້ຊ່ວຍເລຂາທິການໃຫຍ່ສັນນິບາດອາຣັບ, ເຈົ້າໜ້າທີ່ແລະຜູ້ຕາງໜ້າ 120 ກວ່າທ່ານທີ່ມາຈາກຈີນແລະ 21 ປະເທດອາຣັບໄດ້ເຂົ້າຮ່ວມກອງປະຊຸມດັ່ງກ່າວ.
ຄຳເຫັນ
0