ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກິດຈະກຳ “ສະແດງວັດທະນະທຳຮີດຄອງປະເພນີຈີນຢູ່ອາຊຽນ” ໄດ້ຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍແຕ່ວັນທີ 17-18 ມິຖຸນານີ້, ຜູ້ຊ່ຽວຊານແລະນັກສິລະປິນດ້ານວັດທະນະທຳຮີດຄອງປະເພນີຈີນເກືອບ 30 ທ່ານໄດ້ສະແດງວັດທະນະທຳຮີດຄອງປະເພນີຈີນເຊັ່ນ: ການປັກດອກໄມ້, ສິລະປະດ້ານເຄື່ອງຫອມ, ສິລະປະດ້ານຊາ ແລະອື່ນໆ ເຊິ່ງໄດ້ຮັບການຍ້ອງຍໍຊົມເຊີຍຈາກບຸກຄົນໃນວົງການຕ່າງໆຂອງອາຊຽນ.
ທ່ານ ລິມຈົກຮອຍ ເລຂາທິການໃຫຍ່ອາຊຽນທີ່ເຂົ້າຮ່ວມກິດຈະກຳດັ່ງກ່າວ ໄດ້ຍ້ອງຍໍວ່າ “ການສະແດງວັດທະນະທຳຮີດຄອງປະເພນີຈີນຢູ່ອາຊຽນ” ແມ່ນໜຶ່ງໃນຜົນງານການແລກປ່ຽນແລະຮ່ວມມືດ້ານວັດທະນະທຳອາຊຽນ-ຈີນ, ເຊິ່ງຈະເປັນການເພີ່ມທະວີຄວາມເຂົ້າໃຈກັນລະຫວ່າງສອງຝ່າຍ, ທັງຈະມີຜົນດີຕໍ່ຊາວໜຸ່ມ. ທ່ານກ່າວຕື່ມວ່າ, ການແລກປ່ຽນວັດທະນະທຳ ແມ່ນໜຶ່ງໃນເສົາຄ້ຳທີ່ສຳຄັນຂອງການຮ່ວມມືອາຊຽນ-ຈີນຢ່າງສະເໝີຕົ້ນສະເໝີປາຍ, ການແລກປ່ຽນວັດທະນະທຳຮີດຄອງປະເພນີລະຫວ່າງອາຊຽນກັບຈີນ ສາມາດເພີ່ມທະວີຄວາມຫຼາກຫຼາຍດ້ານວັດທະນະທຳຂອງພາກພື້ນໃຫ້ອຸດົມສົມບູນຂຶ້ນ, ຊຸກຍູ້ການ ອະນຸໂລມ, ຄວາມເຂົ້າໃຈແລະການຖອດຖອນບົດຮຽນດ້ານວັດທະນະທຳເຊິ່ງກັນແລະກັນໃນພາກພື້ນແຫ່ງນີ້.
ໃນໄລຍະເຄື່ອນໄຫວສະແດງແລະຢ້ຽມຢາມ, ຄະນະຜູ້ແທນວັດທະນະທຳຮີດຄອງປະເພນີຈີນ ໄດ້ຢ້ຽມຢາມສຳນັກງານກອງເລຂາອາຊຽນ, ສະຖາບັນການພົວພັນສາທາລະນະລອນດອນອິນໂດເນເຊຍ ແລະອົງການອື່ນໆ.
ຄຳເຫັນ
0