ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄຽງຄູ່ກັບກຳປັ່ນປະຕິບັດກົດໝາຍ 4 ລຳຂອງຈີນ ແລະ ກຳປັ່ນປະຕິບັດກົດໝາຍ 001 ຂອງລາວໄດ້ແລ່ນອອກຈາກທ່າເຮືອຊຽງຮຸ່ງຂອງຈີນໃນວັນທີ 18 ມິຖຸນານີ້, ນັ້ນໝາຍຄວາມວ່າ, ຈີນ, ລາວ, ມຽນມາ ແລະ ໄທໄດ້ເລີ່ມການເຄື່ອນໄຫວປະຕິບັດກົດໝາຍລາດຕະເວນຮ່ວມຕາມແມ່ນ້ຳຂອງຄັ້ງທີ 83.
ການເຄື່ອນໄຫວຄັ້ງນີ້ຈະດຳເນີນເປັນເວລາ 4 ວັນ 3 ຄືນ ແລະ 4 ປະເທດຈະລາດຕະເວນແບ່ງເປັນຕອນ ແລະ ຮ່ວມກັນລາດຕະເວນຕາມລຳແມ່ນ້ຳຂອງຮ່ວມກັນ, ກຳປັ່ນລາດຕະເວນທີ່ເຂົ້າຮ່ວມການເຄື່ອນໄຫວຄັ້ງນີ້ຈະແລ່ນອອກຈາກນະຄອນຊຽງຮຸ່ງຂອງຈີນ, ບ້ານຊຽງກົກ, ບ້ານມອນຂອງລາວ ແລະ ເມືອງວັນປຸງຂອງມຽນມາ, ຫຼັງຈາກນັ້ນ, ຈະເຕົ້າໂຮມກັນຢູ່ຕາມລຳແມ່ນ້ຳຂອງແລ້ວຈະດຳເນີນການລາດຕະເວນຮ່ວມກັນ.
ເນື່ອງໃນໂອກາດວັນຕໍ່ຕ້ານຢາເສບຕິດສາກົນ ຄື ວັນທີ 26 ມິຖຸນາຈະໝູນວຽນມາເຖິງ, 4 ປະເທດຍັງຈະຈັດກິດຈະກຳໂຄສະນາການປາບປາມຢາເສບຕິດທີ່ມີຫົວຂໍ້ວ່າ “4 ປະເທດຮ່ວມໃຈກັນ ແລະ ຮ່ວມກັນປາບປາມຢາເສບຕິດ” ເພື່ອຮຽກຮ້ອງໃຫ້ພາກສ່ວນປະຕິບັດກົດໝາຍ ແລະ ປະຊາຊົນລຽບຕາມລຳແມ່ນ້ຳຂອງຂອງ 4 ປະເທດຕັ້ງໜ້າເຂົ້າຮ່ວມວຽກງານປາບປາມຢາເສບຕິດ.
ຄຳເຫັນ
0