ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊີນຮວາ: ວັນທີ 18 ມີຖຸນານີ້, ທ່ານວິນມິນ ປະທານາທິບໍດີມຽນມາກ່າວວ່າ, ມຽນມາຈະສືບຕໍ່ລົງເລິກການພົວພັນຄູ່ຮ່ວມມືຍຸດທະສາດຮອບດ້ານມຽນມາ-ຈີນ, ເພື່ອສ້າງຄວາມຜາສຸກໃຫ້ແກ່ສອງປະເທດກໍ່ຄືປະຊາຊົນສອງຊາດ.
ທ່ານວິນມິນໃຫ້ທັດສະນະດັ່ງກ່າວໃນເວລາຮັບເອົາສານຕາຕັ້ງຈາກທ່ານເສີນໄຮ ເອກອັກຄະລັດຖະທູດ ສປ ຈີນ ປະຈຳມຽນມາຄົນໃໝ່ໃນມື້ດຽວກັນ. ທ່ານກ່າວວ່າ: ມຽນມາໃຫ້ຄວາມສຳຄັນສູງຕໍ່ການພັດທະນາການພົວພັນກັບຈີນ, ຈະພ້ອມກັນສຸມທຸກຄວາມພະຍາຍາມຮ່ວມກັບຝ່າຍຈີນ, ຕັ້ງໜ້າເຂົ້າຮ່ວມການສ້າງ “ໜຶ່ງແລວໜຶ່ງເສັ້ນທາງ”ແລະ ແລວທາງເສດຖະກິດມຽນມາ-ຈີນ, ສືບຕໍ່ລົງເລິກການພົວພັນຄູ່ຮ່ວມມືຍຸດທະສາດຮອບດ້ານມຽນມາ-ຈີນ, ເພື່ອສ້າງຄວາມຜາສຸກໃຫ້ແກ່ສອງປະເທດກໍ່ຄືປະຊາຊົນສອງຊາດ.
ທ່ານເສີນໄຮກ່າວວ່າ: ປະຈຸບັນ, ການພົວພັນຈີນ-ມຽນມາມີທ່ວງທ່າການພັດທະນາທີ່ດີງາມ, ແລະມີໂອກາດໃນການພັດທະນາໃໝ່. ຝ່າຍຈີນຍິນດີເພີ່ມຄວາມໄວ້ເນື້ອເຊື່ອໃຈກັນທາງດ້ານການເມືອງກັບມຽນມາ, ລົງເລິກການຮ່ວມມືທີ່ຕິດແທດຕົວຈິງພາຍໃຕ້ຂອບ “ໜຶ່ງແລວໜຶ່ງເສັ້ນທາງ” ແລະ ແລວທາງເສດຖະກິດຈີນ-ມຽນມາ, ຊຸກຍູ້ການພົວພັນຈີນ-ມຽນມາໃຫ້ກ້າວຂຶ້ນສູ່ລະດັບໃໝ່.
ຄຳເຫັນ
0