ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບໍລິສັດໃຫ້ຄຳປຶກສາການຄ້າໂລກຂອງອາເມຣິກາໄດ້ເປີດເຜີຍຜົນການຄົ້ນຄວ້າຫຼີງສຸດວ່າ: ອາເມຣິກາເພີ່ມເກັບພາສີຕໍ່ຜະລິດຕະພັນເອເລກໂຕຣນິກຈີນທີ່ສົ່ງອອກສູ່ອາເມຣິກາຈະເຮັດໃຫ້ລາຄາຂອງມືຖື ແລະຄອມພິວເຕີອາເມຣິກາສູງຂຶ້ນຫຼາຍ ແລະສົ່ງຜົນກະທົບອັນໜັກໜ່ວງຕໍ່ຜູ້ບໍລິໂພກອາເມຣິກາ.
ລັດຖະບານອາເມຣິກາຈະເພີ່ມພາສີຕໍ່ຜະລິດຕະພັນຈີນທີ່ສົ່ງອອກສູ່ອາເມຣິກາທີ່ມີມູນຄ່າປະມານ 300 ຕື້ໂດລາສະຫະລັດ. ວັນທີ 17 ມິຖຸນານີ້, ບໍລິສັດໃຫ້ຄຳປຶກສາການຄ້າໂລກໄດ້ສົ່ງບົດວິເຄາະໃຫ້ສະມາຄົມຜູ້ບໍລິໂພກເຕັກໂນໂລຊີອາເມຣິກາ ເຊິ່ງໄດ້ຊີ້ໃຫ້ເຫັນວ່າ: ຖ້າເກັບພາສີເພີ່ມ, ຕົ້ນທຶນຂອງມືຖືທີ່ຈີນສົ່ງອອກສູ່ອາເມຣິກາຈະເພີ່ມ 22%, ລາຄາຂອງມືຖືໃນອາເມຣິກາຈະສູງຂຶ້ນ 14% ແລະປະລິມານການຈຳໜ່າຍຈະຫຼຸດລົງ 28%. ນອກຈາກນີ້, ຕົ້ນທຶນຂອງຄອມພິວເຕີ ແລະ tablet ຈີນທີ່ສົ່ງອອກສູ່ອາເມຣິກາກໍຈະເພີ່ມຂຶ້ນ 21%, ລາຄາຈະສູງຂຶ້ນ 19% ແລະປະລິມານການຈຳໜ່າຍຈະຫຼຸດລົງ 35%. ສະຫຼຸບລວມແລ້ວ, ຜູ້ບໍລິໂພກອາເມຣິກາຈະຈ່າຍເງິນເພີ່ມຫຼາຍກວ່າ 8,1 ຕື້ໂດລາສະຫະລັດ ເພື່ອຊື້ມືຖື ແລະຈ່າຍເງິນເພີ່ມປະມານ 8,2 ຕື້ໂດລາສະຫະລັດເພື່ອຊື້ຄອມພິວເຕີ ແລະ tablet.
ຄຳເຫັນ
0