ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 17 ມິຖຸນານີ້ວ່າ, ການທີ່ອາເມຣິກາກ່າວຕຳໜິໃນກໍລະນີທີ່ຮອງເລຂາທິການໃຫຍ່ ສປຊ ຜູ້ຮັບຜິດຊອບວຽກງານຕ້ານການກໍ່ການຮ້າຍ ຢ້ຽມຢາມເຂດຊິ່ນຈ່ຽງຈີນ ພ້ອມທັງຕຳໜິຈີນແລະ ສປຊ ໂດຍບໍ່ມີເຫດຜົນນັ້ນ ແມ່ນບໍ່ມີປະໂຫຍດຫຍັງເລີຍ.
ທ່ານວະລາດີເມຍ ອິວານໂນວິສ ໂວຣອນກອຟ ຮອງເລຂາທິການໃຫຍ່ ສປຊ ທີ່ຮັບຜິດຊອບວຽກງານຕ້ານການກໍ່ການຮ້າຍໄດ້ເດີນທາງຢ້ຽມຢາມຈີນແຕ່ວັນທີ 13 ຫາ 15 ມິຖຸນານີ້ ແລະ ໄດ້ໄປຢ້ຽມຢາມເຂດຊິ່ນຈ່ຽງ ເພື່ອຊອກຮູ້ສະພາບການກ່ຽວກັບການຕ້ານການກໍ່ການຮ້າຍ ແລະ ການກຳຈັດລັດທິຫົວຮຸນແຮງຢູ່ເຂດຊິ່ນຈ່ຽງ. ທ່ານຈອນ ຊຸລິວັນ ຮອງລັດຖະມົນຕີກະຊວງການຕ່າງປະເທດອາເມຣິກາພັດໄດ້ຕຳໜິການຢ້ຽມຢາມຄັ້ງນີ້ວ່າ “ບໍ່ເໝາະສົມທີ່ສຸດ”. ກ່ຽວກັບເລື່ອງນີ້, ທ່ານລູ້ຄ່າງຕອບວ່າ:
ເວົ້າໂດຍກົງແລ້ວ, ອາເມຣິກາບໍ່ຢາກໄດ້ຍິນ ແລະ ບໍ່ຢາກເຫັນເຫັນປະຊາຄົມໂລກສົ່ງສຽງສະໜັບສະໜູນຢ່າງເປັນທຳ ແລະ ພາວະວິໄສຕໍ່ສະພາບການໃນເຂດຊິ່ນຈ່ຽງຈີນ ເຊິ່ງເລື່ອງນີ້ກໍບໍ່ແມ່ນເລື່ອງໃໝ່ແຕ່ຢ່າງໃດທີ່ອາເມຣິກາເຄີຍໄດ້ໃສ່ຮ້າຍປ້າຍສີຕໍ່ນະໂຍບາຍແລະມາດຕະການອັນຖືກຕ້ອງຂອງລັດຖະບານຈີນຢູ່ເຂດຊິ່ນຈ່ຽງ, ແຊກແຊງວຽກງານພາຍໃນຂອງຈີນ, ຂ້າພະເຈົ້າແລະເພື່ອນຮ່ວມງານໄດ້ກ່າວເຖິງຫຼັກໝັ້ນອັນເດັດດ່ຽວຂອງຈີນຫຼາຍເທື່ອແລ້ວວ່າ, ດ້ານໜຶ່ງ, ອາເມຣິກາຮຽກຮ້ອງໃຫ້ຈີນມີການອະທິບາຍມາດຕະການ “ການກຳຈັດລັດທິຫົວຮຸນແຮງ” ຢູ່ເຂດຊິ່ນຈ່ຽງ, ເມື່ອຈີນເປີດກວ້າງ ແລະ ໄດ້ເຊື້ອເຊີນເຈົ້າໜ້າທີ່ ສປຊ ໄປຢ້ຽມຢາມເຂດຊິ່ນຈ່ຽງ, ອາເມຣິກາພັດໄດ້ຕຳໜິການຢ້ຽມຢາມຂອງເຈົ້າໜ້າທີ່ ສປຊ “ບໍ່ເໝາະສົມທີ່ສຸດ”, ນີ້ແມ່ນເລ່ຫຼ່ຽມແບບໃດ? ການກະທຳຂອງອາເມຣິກາເປັນການກະທຳລົບລີ້ນປີ້ນຄວາມແລະໄຮ້ເຫດຜົນທີ່ສຸດ.
ຄຳເຫັນ
0