ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ມິຖຸນານີ້, ສະພາດູມາແຫ່ງຣັດເຊຍ ເຊິ່ງເປັນສະພາຕ່ຳຂອງຣັດເຊຍ ໄດ້ຮັບຮອງຍັດຕິກົດໝາຍວ່າດ້ວຍການຢຸດຕິການປະຕິບັດ “ສັນຍາຂີປະນາວຸດໄລຍະກາງ” ເປັນການຊົ່ວຄາວ ທີ່ນຳສະເໜີໂດຍທ່ານ ວະລາດີເມຍ ປູຕິນ ປະທານາທິບໍດີຣັດເຊຍໃນວັນທີ 30 ພຶດສະພາທີ່ຜ່ານມາ.
ຮ່າງກົດໝາຍດັ່ງກ່າວຍັງກຳນົດວ່າ: ປະມຸກລັດເປັນຜູ້ຕັດສິນໃຈທີ່ຈະຟື້ນຟູການປະຕິບັດສັນຍາດັ່ງກ່າວ. ຄະນະກຳມະການສະຫະພັນຣັດເຊຍ ເຊິ່ງເປັນສະພາສູງຂອງຣັດເຊຍຈະຄົ້ນຄວ້າພິຈາລະນາຮ່າງກົດໝາຍດັ່ງກ່າວໃນວັນທີ 26 ມິຖຸນານີ້. ທ່ານ ເຊີເກ ຣີຢາບຄອຟ ຮອງລັດຖະມົນຕີກະຊວງການຕ່າງປະເທດຣັດເຊຍ ໄດ້ຊີ້ແຈງໃນວັນທີ 18 ມິຖຸນານີ້ວ່າ, ຮ່າງກົດໝາຍດັ່ງກ່າວກຳນົດວ່າ, ຣັດເຊຍຈະຢຸດຕິການປະຕິບັດສັນຍາຂີປະນາວຸດໄລຍະກາງເປັນການຊົ່ວຄາວ, ຫາກບໍ່ແມ່ນຖອນອອກຈາກສັນຍາດັ່ງກ່າວ.
ວັນທີ 1 ກຸມພາປີນີ້, ທ່ານ ໄມ ພົມເພວ ລັດຖະມົນຕີກະຊວງການຕ່າງປະເທດຣັດເຊຍປະກາດວ່າ, ຍ້ອນຣັດເຊຍໄດ້ຝ່າຝືນຂໍ້ກຳນົດໃນສັນຍາຂີປະນາວຸດໄລຍະກາງມາເປັນເວລາດົນນານແລ້ວ, ສະນັ້ນ ອາເມຣິກາຈະຢຸດຕິການປະຕິບັດສັນຍາດັ່ງກ່າວເປັນການຊົ່ວຄາວ, ພ້ອມທັງເລີ່ມຕົ້ນຂະບວນການຖອນອອກຈາກສັນຍາດັ່ງກ່າວເປັນເວລາ 6 ເດືອນ. ວັນທີ 4 ມີນາຜ່ານມາ, ທ່ານ ປູຕິນ ປະທານາທິບໍດີຣັດເຊຍກໍໄດ້ເຊັນລັດຖະດຳລັດໃຫ້ຣັດເຊຍຢຸດຕິການປະຕິບັດສັນຍາດັ່ງກ່າວເປັນການຊົ່ວຄາວ.
ຄຳເຫັນ
0