ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວລາ 22 ໂມງ 55 ນາທີຂອງວັນທີ 17 ມິຖຸນານີ້, ເມືອງສາງນິງນະຄອນຢວີປິ່ນແຂວງເສສວນໄດ້ເກີດແຜ່ນດິນໄຫວ 6,0 ລິກເຕີ, ສູນກາງແຜ່ນດິນໄຫວເລິກລົງໃຕ້ດິນ 16 ກິໂລແມັດ. ມາຮອດປັດຈຸບັນ, ແຜ່ນດິນໄຫວໄດ້ເຮັດໃຫ້ 13 ຄົນເສຍຊີວິດແລະ 158 ຄົນບາດເຈັບ, ມີຜູ້ປະສົບໄພຫຼາຍກວ່າ 140.000 ຄົນ, ພື້ນຖານໂຄງລ່າງຈຳນວນໜຶ່ງເຊັ່ນ: ນ້ຳປະປາ, ໄຟຟ້າ, ຄົມມະນາຄົມແລະໂທລະຄົມໄດ້ຮັບຜົນເສຍຫາຍ.
ພາຍຫຼັງເກີດແຜ່ນດິນໄຫວແລ້ວ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ອອກຄ່ຳສັ່ງສຳຄັນ, ໂດຍຮຽກຮ້ອງໃຫ້ຖືເອົາວຽກງານກູ້ໄພ, ຄົ້ນຫາຜູ້ລອດຊີວິດ, ແລະປິ່ນປົວຄົນເຈັບຫຼຸດລົງໃຫ້ໜ້ອຍເທົ່າທີ່ຈະໜ້ອຍໄດ້, ພະຍາຍາມຈົນສຸດຄວາມສາມາດເພື່ອເຮັດໃຫ້ຜູ້ ເສຍຊີວິດແລະບາດເຈັບໃນຂະໜາດໃຫຍ່ທີ່ສຸດ. ທ່ານຫຼີເຄີ້ສຽງ, ກຳມະການປະຈຳກົມການເມືອງສູນກາງພັກກອມມູນິດຈີນ, ນາຍົກລັດຖະມົນຕີຈີນໄດ້ໃຫ້ທິດຊີ້ນຳວ່າ, ຄວນເລັ່ງລັດກວດກາສະພາບການໃນເຂດປະສົບໄພແຜ່ນດິນໄຫວ, ອອກແຮງປະຕິບັດວຽກງານການກູ້ໄພແລະປິ່ນປົວຜູ້ບາດເຈັບ, ສ້ອມແປງພື້ນຖານໂຄງລ່າງຕ່າງໆທີ່ໄດ້ຮັບຜົນເສຍຫາຍຢ່າງຮີບດ່ວນ.
ໂດຍອີງຕາມຄຳຮຽກຮ້ອງຂອງທ່ານສີຈິ້ນຜີງແລະທ່ານຫຼີເຄີ້ສຽງ, ກະຊວງຄຸ້ມຄອງການສຸກເສີນ, ຄະນະກຳມະການສາທາລະນະສຸກແລະພາກສ່ວນອື່ນໆໄດ້ສົ່ງໜ່ວຍງານໄປເຂດປະສົມໄພເພື່ອຊີ້ນຳແລະປະຕິບັດວຽກງານກູ້ໄພ. ວຽກງານຕ້ານໄພແລະກູ້ໄພຕ່າງໆພວມດຳເນີນໄປຢ່າງເຄັ່ງຮ້ອນແລະເປັນລະບຽບຮຽບຮ້ອຍ.
ຄຳເຫັນ
0