ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທະນາຄານໂລກໄດ້ເຜີຍແຜ່ບົດລາຍງານຜົນການຄົ້ນຄວ້າໃນວັນທີ 18 ມິຖຸນານີ້ ໂດຍກ່າວວ່າ: ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ເມື່ອໄດ້ຮັບການປະຕິບັດຢ່າງຮອບດ້ານແລ້ວຈະສາມາດຊ່ວຍໃຫ້ປະຊາກອນ 32 ລ້ານຄົນຫຼຸດພົ້ນອອກຈາກສະພາວະຄວາມທຸກຍາກທີ່ມີຄ່າຄອງຊີບສະເລ່ຍຕໍ່ວັນຕ່ຳກວ່າ 3,2 ໂດລາສະຫະລັດ, ເຮັດໃຫ້ການຄ້າໂລກເພີ່ມຂຶ້ນ 6,2%, ການຄ້າຂອງກຸ່ມເສດຖະກິດລຽບຕາມ “ໜຶ່ງແລວໜຶ່ງເສັ້ນທາງ” ເພີ່ມຂຶ້ນ 9,7%, ສ້າງລາຍຮັບທົ່ວໂລກເພີ່ມຂຶ້ນ 2,9%.
ບົດລາຍງານດັ່ງກ່າວພາດຫົວຂໍ້ວ່າ: ເສດຖະສາດ “ໜຶ່ງແລວໜຶ່ງເສັ້ນທາງ”-ກາລະໂອກາດແລະຄວາມສ່ຽງຂອງແລວທາງຄົມມະນາຄົມ ໂດຍລະບຸວ່າ: ການປະຕິຮູບນະໂຍບາຍກ່ຽວຂ້ອງມີຄວາມສຳຄັນຫຼາຍຕໍ່ບັນດາປະເທດທີ່ຈະໄດ້ຮັບຜົນປະໂຫຍດຈາກ “ໜຶ່ງແລວໜຶ່ງເສັ້ນທາງ” ຫຼືບໍ່; ຖ້າວ່າການຄ້າມີຄວາມສະດວກຍິ່ງຂຶ້ນ, ສາມາດຈຳກັດສິ່ງກີດຂວາງທາງດ້ານການຄ້າໃຫ້ຫຼຸດໜ້ອຍຖອຍລົງ, ລາຍຮັບຕົວຈິງຂອງກຸ່ມເສດຖະກິດທີ່ເຂົ້າຮ່ວມການສ້າງ “ໜຶ່ງແລວໜຶ່ງເສັ້ນທາງ” ຈະເພີ່ມຂຶ້ນ 2-4 ເທົ່າ; ນອກນີ້, ການເພີ່ມທະວີການເຄື່ອນຍ້າຍແຮງງານ ແລະ ປັບປຸງນະໂຍບາຍທີ່ກ່ຽວຂ້ອງ ຈະສາມາດຮັບປະກັບການຊົມໃຊ້ຜົນປະໂຫຍດຢ່າງເປັນທຳກວ່າເກົ່າ.
ບົດລາຍງານຍັງລະບຸຕື່ມວ່າ: ຖ້າມີການປະຕິຮູບນະໂຍບາຍຢ່າງເລິກເຊິ່ງເພື່ອໃຫ້ມີຄວາມໂປ່ງໃສຂຶ້ນຕື່ມ, ປັບປຸງໜີ້ສິນໃຫ້ມີຄວາມສາມາດຊຳລະໄດ້, ຫຼຸດຄວາມສ່ຽງດ້ານສິ່ງແວດລ້ອມ, ສັງຄົມ ແລະ ການສໍ້ລາດບັງຫຼວງໃຫ້ຕ່ຳລົງ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຈະສາມາດຊ່ວຍພັດທະນາເສດຖະກິດຂອງຫຼາຍສິບປະເທດພວມພັດທະນາໃຫ້ໄວ້ຂຶ້ນ.
ຄຳເຫັນ
0