ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຈົ້າໜ້າທີ່ລັດບີຮາ ປະເທດອິນເດຍກ່າວໃນວັນທີ 19 ມິຖຸນານີ້ວ່າ: ເນື່ອງຈາກອາກາດຮ້ອນຢ່າງຕໍ່ເນື່ອງໃນຫຼາຍມື້ຜ່ານມາ, ສົ່ງຜົນເຮັດໃຫ້ມີຜູ້ເສຍຊີວິດຢູ່ລັດດັ່ງກ່າວໄດ້ເພີ່ມຂຶ້ນເປັນ 92 ຄົນແລ້ວ.
ເຈົ້າໜ້າທີ່ສາທາລະນະສຸກທ້ອງຖິ່ນດັ່ງກ່າວກ່າວວ່າ: ຜູ້ປະສົບເຄາະຮ້າຍສ່ວນຫຼາຍມີອາຍຸຫຼາຍກວ່າ 50 ປີ, ມີອາການໄຂ້ຮ້ອນ, ຖອກທ້ອງ ແລະ ຮາກ.
ເພື່ອຮັບມືກັບອາກາດຮ້ອນ, ອຳນາດການປົກຄອງລັດບີຮາໄດ້ເຕືອນໃຫ້ປະຊາຊົນບໍ່ຄວນອອກເດີນທາງຖ້າບໍ່ມີຄວາມຈຳເປັນ. ຂະນະທີ່ໂຮງຮຽນທ້ອງຖິ່ນກໍໄດ້ປິດການຮຽນການສອນຈົນຮອດວັນທີ 22 ມິຖຸນານີ້.
ສື່ມວນຊົນອິນເດຍລາຍງານວ່າ ໃນໄລຍະຜ່ານມາ, ຢູ່ຫຼາຍທ້ອງຖິ່ນ ເຊັ່ນ: ນະຄອນຫຼວງນິວແດນລີ, ລັດຣາຊາສະຖານ, ລັດອູຕາ ປຣະເທດ ແລະອື່ນໆ ມີອາກາດຮ້ອນແຮງ, ບາງແຫ່ງມີອຸນຫະພູມສູງເຖິງ 50,8 ອົງສາ ເຊິ່ງໃກ້ກັບສະຖິຕິສູງສຸດໃນປະຫວັດສາດອິນເດຍ ຄື 51 ອົງສາ.
ຄຳເຫັນ
0