ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຈົ້າໜ້າທີ່ກະຊວງການຄ້າຈີນເປີດເຜີຍໃນວັນທີ 19 ມິຖຸນານີ້ວ່າ, ໄດ້ຕົກລົງຈະດຳເນີນການສືບສວນການຂາຍທຸ້ມຕະຫຼາດຢາງພະລາ EPDM ທີ່ຜະລິດຢູ່ອາເມຣິກາ, ສ.ເກົາຫຼີ ແລະ ສະຫະພາບເອີຣົບ ໃນມື້ດຽວກັນ.
ກະຊວງການຄ້າຈີນໄດ້ຮັບການຮ້ອງຂໍໃຫ້ສືບສວນການຂາຍທຸ້ມຕະຫຼາດຂອງຂະແໜງການຢາງພາລາພາຍໃນປະເທດຈີນຢ່າງເປັນທາງການໃນວັນທີ 8 ພຶດສະພາ 2019, ຜູ້ຮ້ອງຟ້ອງໄດ້ຮຽກຮ້ອງໃຫ້ດຳເນີນການສືບສວນສອບສວນການຂາຍທຸ້ມຕະຫຼາດຢາງພາລາ EPDM ທີ່ຜະລິດຢູ່ອາເມຣິກາ, ສ.ເກົາຫຼີ ແລະ ສະຫະພາບເອີຣົບ. ກະຊວງການຄ້າຈີນໄດ້ຖະແຫຼງໃນວັນທີ 19 ມິຖຸນານີ້ວ່າ, ໂດຍອີງຕາມຫຼັກຖານຂອງຜູ້ຮ້ອງຟ້ອງແລະການສືບສວນເບື້ອງຕົ້ນຂອງທາງກະຊວງ, ອີງຕາມຂໍ້ກຳນົດທີ່ກ່ຽວຂ້ອງ, ກະຊວງການຄ້າຈີນຕົກລົງສືບສວນການຂາຍທຸ້ມຕະຫຼາດຢາງພາລາ EPDM ທີ່ຜະລິດຢູ່ອາເມຣິກາ, ສ.ເກົາຫຼີ ແລະ ສະຫະພາບເອີຣົບ ແຕ່ວັນທີ 19 ມິຖຸນານີ້ເປັນຕົ້ນໄປ.
ຄຳເຫັນ
0