ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສ້າງຕັ້ງໜ່ວຍງານມິດຕະພາບຈີນ-ອາຟຣິກາຂອງສະພາປຶກສາການເມືອງປະຊາຊົນແຫ່ງຊາດຈີນທັງເປັນກອງປະຊຸມຄົບຄະນະຄັ້ງທຳອິດ ໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 19 ມິຖຸນານີ້, ທ່ານຫວາງເຈິ້ງເຫວີຍ ຮອງປະທານສະພາປຶກສາການເມືອງປະຊາຊົນແຫ່ງຊາດປະເທດຈີນ, ຫົວໜ້າໜ່ວຍງານມິດຕະພາບຈີນ-ອາຟຣິກາໄດ້ເຂົ້າຮ່ວມກອງປະຊຸມແລະກ່າວຄຳປາໄສ, ທ່ານເຊ້ຍປາວລົງ ຮອງປະທານທັງເປັນຫົວໜ້າກອງເລຂາຂອງສະພາປຶກສາການເມືອງປະຊາຊົນແຫ່ງຊາດຈີນເປັນປະທານຈັດກອງປະຊຸມ.
ທ່ານຫວາງເຈິງເຫວີຍກ່າວວ່າ, ການທີ່ສ້າງໜ່ວຍງານມິດຕະພາບຈີນ-ອາຟຣິກາຂຶ້ນມາແມ່ນການກະທຳຕົວຈິງທີ່ສະພາປຶກສາການເມືອງປະຊາຊົນແຫ່ງຊາດຈີນປະຕິບັດຕາມແນວຄິດສີຈິ້ນຜີງໃນວຽກງານການຕ່າງປະເທດແລະເປັນການຜັນຂະຫຍາຍແລະຜົນກອງປະຊຸມສຸດຍອດປັກກິ່ງຂອງເວທີປຶກສາຫາລືການຮ່ວມມືຈີນ-ອາຟຣິກາ.
ໃນເວລາເປັນປະທານຈັດກອງປະຊຸມ, ທ່ານເຊ້ຍປາວລົງກ່າວວ່າ, ຄວນລົງເລິກຮ່ຳຮຽນແລະປະຕິບັດຕາມແນວຄິດສີຈິ້ນຜີງໃນວຽກງານການຕ່າງປະເທດ, ປະຕິບັດວຽກງານແລກປ່ຽນມິດຕະພາບກັບອາຟຣິກາຢ່າງແທ້ຈິງ, ເພື່ອເຕົ້າໂຮມກຳລັງແລະສະຕິປັນຍາເພື່ອເປີດກວ້າງ “ການຄົບຄ້າສະມາຄົມ” ຈີນ-ອາຟຣິກາແລະສ້າງປະຊາຄົມຮ່ວມຊາຕາກຳຈີນ-ອາຟຣິກາ.
ຄຳເຫັນ
0