ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊີນຮວາ: ໂດຍຕອບສະໜອງຕາມຄຳເຊື້ອເຊີນຈາກລັດຖະສະພາສິງກະໂປ, ທ່ານຈີປິງຊວນ, ຮອງປະທານຄະນະປະຈຳສະພາປະຊາຊົນແຫ່ງຊາດຈີນ, ປະທານສະມາຄົມແລກປ່ຽນສາກົນຈີນໄດ້ນຳພາຄະນະຜູ້ແທນເດີນທາງຢ້ຽມຢາມສິງກະໂປແຕ່ວັນທີ 17 ຫາວັນທີ 20 ມີຖຸນານີ້, ແລະໄດ້ພົບປະກັບທ່ານໂກະຈົກຕົ່ງ ທີ່ປຶກສາແຫ່ງລັດກິດຕິມະສັກ, ອະດີດນາຍົກລັດຖະມົນຕີ, ແລະທ່ານລິນໂມສວນ ຮອງປະທານລັດຖະສະພາສິງກະໂປ, ໃນໂອກາດດັ່ງກ່າວໄດ້ໄປຢ້ຽມຢາມສຳນັກງານໃຫຍ່ຂອງສະມາຄົມປະຊາຊົນ, ແລະເຂົ້າຮ່ວມກອງປະຊຸມຖອດຖອນບົດຮຽນແລະແລກປ່ຽນວັດທະນະທຳຈີນ-ສິງກະໂປ.
ທ່ານຈີປິງຊວນກ່າວວ່າ: ຈີນໃຫ້ຄວາມສຳຄັນຕໍ່ການພົວພັນຈີນ-ສິງກະໂປ, ຍິນດີຮ່ວມກັບຝ່າຍສິງກະໂປ ຈັດຕັ້ງຜັນຂະຫຍາຍຄວາມເຫັນເປັນເອກະພາບກັນຂອງຜູ້ນຳສອງປະເທດ, ເພື່ອເພິ່ມຄວາມໄວ້ເນື້ອເຊື່ອໃຈກັນດ້ານການເມືອງຕື່ມອີກ, ຊຸກຍູ້ໃຫ້ການພົວພັນຈີນ-ສິງກະໂປພັດທະນາໄປຄຽງຄູ່ກັບຍຸກສະໄໝ.
ຝ່າຍສິງກະໂປໄດ້ຕີລາຄາສູງຕໍ່ການພົວພັນສອງປະເທດ, ຍິນດີຈະສືບຕໍ່ລົງເລິກການຮ່ວມມືກັບຝ່າຍຈີນໃນຂົງເຂດຕ່າງໆເຊັ່ນ:ການເຊື່ອມຈອດ, ການລົງທຶນແລະການເງິນເປັນຕົ້ນ ພາຍໃຕ້ຂອບ “ໜຶ່ງແລວໜຶ່ງເສັ້ນທາງ”, ເພີ່ມທະວີການແລກປ່ຽນວັດທະນະທຳ, ປະກອບສ່ວນເພື່ອຊຸກຍູ້ໃຫ້ສອງປະເທດແລະພາກພື້ນຂອງຕົນພັດທະນາໄປຄຽງຄູ່ກັນ.
ຄຳເຫັນ
0