ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານໂດໂນ ທຣຳ ປະທານາທິບໍດີອາເມຣິກາຄົນປັດຈຸບັນ ໄດ້ກ່າວປາຖະກະຖາໃນງານຊຸມນຸມຄັ້ງໜຶ່ງຢູ່ນະຄອນອໍແລນໂດ ລັດໂຟຼຣີດາໃນຕອນຄ່ຳວັນທີ 18 ມິຖຸນານີ້ ເຊິ່ງເປັນການເລີ່ມຕົ້ນການເຄື່ອນໄຫວຫາສຽງເລືອກຕັ້ງປະທານາທິບໍດີອາເມຣິກາອີກສະໄໝໜຶ່ງ.
ງານຊຸມນຸມຫາສຽງດັ່ງກ່າວໄດ້ຈັດຂຶ້ນຢູ່ສູນກິລາອຳເວ ນະຄອນອໍແລນໂດ. ໃນຂະນະທີ່ກ່າວປາຖະກະຖາ, ທ່ານໂດໂນ ທຣຳກໍໄດ້ສະແດງບຸກຄະລິກແບບເດີມຂອງຕົນໃນເມື່ອກ່ອນ ໂດຍກ່າວໂຈມຕີສື່ມວນຊົນຕ່າງໆແລະຜູ້ລົງສະໝັກຮັບເລືອກຕັ້ງຂອງພັກປະຊາທິປະໄຕ, ອີກດ້ານໜຶ່ງກໍອວດໂອ້ຜົນງານຂອງຕົນນັບແຕ່ຕົນຂຶ້ນດຳລົງຕຳແໜ່ງເປັນປະທານາທິບໍດີຕະຫຼອດ 2 ປີເຄິ່ງມານີ້.
ຂະນະທີ່ໜັງສືພິມ “ນິວຢອກທາມສ໌” ເຫັນວ່າ: ການປາຖະກະຖາດັ່ງກ່າວເຖິງວ່າຖືເປັນກິດຈະກຳເລີ່ມຕົ້ນການໂຄສະນາຫາສຽງເລືອກຕັ້ງປະທານາທິບໍດີອີກສະໄໝໜຶ່ງກໍຕາມ, ແຕ່ທ່ານໂດໂນ ທຣຳບໍ່ໄດ້ສະເໜີນະໂຍບາຍທີ່ມີແນວຄວາມຄິດໃໝ່ແຕ່ຢ່າງໃດເລີຍ, ພຽງແຕ່ໄດ້ເນັ້ນໜັກຄືນບາງຖ້ອຍຄຳທີ່ຕົນໄດ້ກ່າວໃນງານຊຸມນຸມຜ່ານມາເທົ່ານັ້ນ.
ທ່ານໂດໂນ ທຣຳປີນີ້ອາຍຸ 73 ປີ, ໄດ້ຮັບເລືອກຕັ້ງເປັນທານາທິບໍດີອາເມຣິກາເມື່ອເດືອນພະຈິກປີ 2016.
ຄຳເຫັນ
0