ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມິຖຸນານີ້ແມ່ນວັນລະບາຍກາກບອນຕ່ຳຄັ້ງທີ 7 ຂອງຈີນ. ຕອນເຊົ້າວັນທີ 19 ມິຖຸນານີ້, ອົງການນິເວດວິທະຍາແລະສິ່ງແວດລ້ອມປັກກິ່ງໄດ້ຈັດກິດຈະກຳໂຄສະນາວັນລະບາຍກາກບອນຕ່ຳປີ 2019 ຢູ່ຫ້ອງວາງສະແດງຂອງອົງການໄມ້ປ່ອງແລະຫວາຍສາກົນໃນງານວາງສະແດງພືດສວນໂລກປັກກິ່ງ. ຜູ້ຊ່ຽວຊານດ້ານການຮັບມືກັບການປ່ຽນແປງຂອງດິນຟ້າອາກາດແລະມົນລະພິດທາງອາກາດທີ່ມາຈາກຫຼາຍຂົງເຂດໄດ້ຈັດການສຳມະນາໂຕະມົນໂດຍປິ່ນອ້ອມການເຄື່ອນໄຫວລະບາຍກາກບອນຕ່ຳ, ແລະໄດ້ຮ່ວມກັນສະເໜີຂໍ້ລິເລີ່ມວັນລະບາຍກາກບອນຕ່ຳປັກກິ່ງປີ 2019.
ວັນລະບາຍກາກບອນໜ້ອຍປີ 2019 ໄດ້ເນັ້ນຫົວຂໍ້ “ການລະບາຍກາກບອນຕ່ຳແລະອາກາດບໍລິສຸດ”. ທ່ານເສີນທ່ຽນ ຫົວໜ້າອົງການນິເວດວິທະຍາແລະສິ່ງແວດລ້ອມປັກກິ່ງກ່າວວ່າ, ປັກກິ່ງໄດ້ອອກແຮງຊຸກຍູ້ວຽກງານຮັບມືກັບການປ່ຽນແປງຂອງດິນຟ້າອາກາດແລະວຽກງານປ້ອງກັນມົນລະພິດທາງອາກາດຮ່ວມກັນ, ແລະໄດ້ມີຜົນງານຢ່າງຈະແຈ້ງ. ຕໍ່ໄປ, ປັກກິ່ງຈະເພີ່ມທະວີການສ້າງຄວາມສີວິໄລດ້ານນິເວດ, ຊຸກຍູ້ວຽການຮັບມືກັບການປ່ຽນແປງຂອງດິນຟ້າອາກາດແລະວຽກງານສົ່ງເສີມຄຸນນະພາບອາກາດໃຫ້ດີຂຶ້ນ.
ຄຳເຫັນ
0