ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຈົ້າໜ້າທີ່ກະຊວງການຕ່າງປະເທດຣັດເຊຍໄດ້ອອກຖະແຫຼງການໃນວັນທີ 19 ມິຖຸນານີ້ໂດຍເຫັນວ່າ, ຄະນະສືບສວນປະສົມເຫດການເຮືອບິນຕົກຂອງຖ້ຽວບິນ MH 17 ຂອງສາຍການບິນມາເລເຊຍທີ່ນຳໂດຍໂຮນລັງໄດ້ກ່າວຟ້ອງພົນລະເມືອງຣັດເຊຍທາງຄະດີອາຍາ ແມ່ນບໍ່ມີຫຼັກຖານອ້າງອີງຫຍັງເລີຍ, ຈຸດປະສົງກໍເພື່ອໃສ່ຮ້າຍປ້າຍສີຣັດເຊຍໃນເວທີສາກົນ.
ຖະແຫຼງການສະບັບນີ້ທີ່ເຜີຍແຜ່ໃນເວັບໄຊກະຊວງການຕ່າງປະເທດຣັດເຊຍລະບຸວ່າ, ຂະນະທີ່ຄະນະສືບສວນດັ່ງກ່າວປະກາດກ່າວຟ້ອງພົນລະເມືອງຣັດເຊຍນັ້ນ, ເຂົາເຈົ້າບໍ່ມີຫຼັກຖານໃດໆເທື່ອ.
ເຈົ້າໜ້າທີ່ກະຊວງການຕ່າງປະເທດຣັດເຊຍກ່າວວ່າ, ພາຍຫຼັງເກີດເຫດການດັ່ງກ່າວແລ້ວ, ເຈົ້າໜ້າທີ່ຣັດເຊຍໄດ້ປະສານງານກັບເຈົ້າໜ້າທີ່ໂຮງລັງຢ່າງຕັ້ງໜ້າ. ແຕ່ຄະນະສືບສວນປະສົມໄດ້ປະຕິເສດໃຫ້ຣັດເຊຍເຂົ້າຮ່ວມການສືບສວນຢ່າງເຕັມຮູບແບບ ແລະ ເຮັດໃຫ້ການມີສ່ວນຮ່ວມສືບສວນຂອງຣັດເຊຍເປັນພຽງສຳຮອງເທົ່ານັ້ນ ເຊິ່ງສະພາບການເຫຼົ່ານີ້ໄດ້ເປັນການພິສູດເຖິງຄວາມກັງວົນຂອງຣັດເຊຍກ່ຽວກັບການສືບສວນທີ່ນຳໂດຍໂຮງລັງນັ້ນມີຄວາມເຫັນລຳອຽງ ແລະ ອະຄະຕິ.
ເຈົ້າໜ້າທີ່ກະຊວງການຕ່າງປະເທດຣັດເຊຍກ່າວຕື່ມວ່າ, ຣັດເຊຍຈະສືບຕໍ່ຊ່ວຍສືບສວນຫາສາຍເຫດການຕົກຂອງເຮືອບິນດັ່ງກ່າວ ເພື່ອຊອກຫາຄວາມຈິງກ່ຽວກັບເຫດການ ແລະ ລົງໂທດຜູ້ກໍ່ເຫດຕົວຈິງ.
ຄຳເຫັນ
0