ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມິຖຸນານີ້, ງານວາງສະແດງສິນຄ້າຈີນ-ຣັດເຊຍຄັ້ງທີ 6 ໄດ້ປິດສາກຢູ່ນະຄອນຮາປິ່ນແຂວງເຮີຍລອງຈ່ຽງປະເທດຈີນ.ຕາມຂໍ້ມູນສະຖິຕິໃນເບື້ອງຕົ້ນ, ງານວາງສະແດງຄັ້ງນີ້ໄດ້ບັນລຸຂໍ້ຕົກລົງ ແລະສັນຍາຕ່າງໆຫຼາຍກວ່າ 380 ສະບັບ ແລະບັນລຸມູນຄ່າຫຼາຍກວ່າ 170 ຕື້ຢວນ.
ງານວາງສະແດງຄັ້ງນີ້ໄດ້ດຶງດູດນັກທຸລະກິດທີ່ມາຈາກ 74 ປະເທດ ແລະພາກພື້ນຂອງ 6 ທະວີບ ຄື: ອາຊີ, ເອີຣົບ, ອາຟຣິກາ, ອາເມຣິກາເໜືອ, ອາເມຣິກາໃຕ້ ແລະໂອຊີອານີ ເຊິ່ງມີວິສາຫະກິດ 1764 ແຫ່ງ, ນັກທຸລະກິດພາຍໃນ ແລະຕ່າງປະເທດ 23000 ຄົນ ແລະຜູ້ຊົມ 234000 ເທື່ອຄົນເຂົ້າຮ່ວມ.
ການຮ່ວມມືລະດັບທ້ອງຖິ່ນລະຫວ່າງຈີນ ແລະຣັດເຊຍໄດ້ຮັບໝາກຜົນອັນຕັ້ງໜ້າ. ງານວາງສະແດງຄັ້ງນີ້ໄດ້ຈັດກິດຈະກຳປຶກສາຫາລືຈັບຄູ່ຮ່ວມມືທາງທຸລະກິດໂດຍປິ່ນອ້ອມຫົວຂໍ້ການແລກປ່ຽນການຮ່ວມມືຈີນ-ຣັດເຊຍ ກໍຄືການດຳເນີນການແລກປ່ຽນ ແລະການຮ່ວມມືດ້ານການສ້າງເຂດອ່າວໃຫຍ່ກວາງໂຈ່ວ-ຮົງກົງ-ມາກາວ, ການຟື້ນຟູເຂດຕາເວັນອອກສ່ຽງເໜືອຈີນໃຫ້ຈະເລີນຄືນ, ການພັດທະນາເຂດຕາເວັນອອກໄກຂອງຣັດເຊຍ ແລະອື່ນໆ ເຊິ່ງເປັນງານວາງສະແດງທີ່ມີລະດັບສູງ ແລະມີຂະໜາດໃຫຍ່ທີ່ສຸດລະຫວ່າງຈີນ ແລະຣັດເຊຍ.
ຄຳເຫັນ
0