ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 20 ສິງຫານີ້, ທິມງານການແພດກອງທັບປົດປ່ອຍປະຊາຊົນຈີນທີ່ກຳລັງຢູ່ສປປລາວໃນການເຂົ້າຮ່ວມການຝຶກຊ້ອມຫັດແອບຮ່ວມທາງການແພດເພື່ອມະນຸດສະທຳ “ຂະບວນລົດໄຟສັນຕິພາບ2019” ໄດ້ຂີ່ຍົນເຮຣິກົບແຕເດີນທາງໄປຫຼວງພະບາງເພື່ອເຂົ້າຮ່ວມການກອບກູ້ຊ່ວຍເຫຼືອອຸບັດຕິເຫດທາງລົດທີ່ຮ້າຍແຮງ. ທິມງານການແພດດັ່ງກ່າວປະກອບມີທ່ານໝໍໃນຫຼາຍຂະແໜງການເຊັ່ນ: ພະແນກຜ່າຕັດຫົວໃຈ, ພະແນກຫຼອດເລືອດຫົວໃຈ, ພະຍາດລະບົບທາງເດີນຫາຍໃຈຮ້າຍແຮງ, ພະແນກກະດູກ, ພະແນກຜ່າຕັດ, ແລະພະແນກປະສາດ ເຊິ່ງເປັນຂະແໜງການທີ່ຈຳເປັນອັນຮີບດ່ວນໃນການກອບກູ້ຄັ້ງນີ້.
ເວລາ 16:30 ຂອງວັນທີ 19 ສິງຫານີ້, ລົດບັດທ່ອງທ່ອງທີ່ບັນທຸກຊາວຈີນ 44 ຄົນ ແລະຄົນລາວ 2 ຄົນ ໄດ້ເກີດອຸບັດຕິເຫດຢ່າງຮ້າຍແຮງໃນຈຸດຫ່າງຈາກນະຄອນຫຼວງພະບາງປະມານ 40 ກິໂລແມັດ, ໄດ້ເຮັດໃຫ້ 13 ຄົນເສຍຊີວິດ, 31 ຄົນບາດເຈັບ, ໃນນັ້ນ, ມີ 2 ຄົນບາດເຈັບໜັກ, ປັດຈຸບັນຍັງບໍ່ທັນພົ້ນຂີດອັນຕະລາຍ.
ພາຍຫຼັງເກີດເຫດດັ່ງກ່າວແລ້ວ, ສະຖານທູດສປຈີນປະຈຳສປປລາວ ແລະສະຖານກົງສຸນຈີນປະຈຳຫຼວງພະບາງໄດ້ເຂົ້າໄປໃຫ້ການຊ່ວຍເຫຼືອສຸກເສີນ. ທ່ານລີຈື້ກົ່ງ, ກົງສຸນໃຫຍ່ຈີນປະຈຳນະຄອນຫຼວງພະບາງໄດ້ນຳພາທິມງານຮັບມືສຸກເສີນເດີນທາງໄປສະຖານທີ່ເກີດເຫດທັນທີ ໂດຍປະສານງານກັບທະຫານຕຳຫຼວດຝ່າຍລາວແລະກຳລັງຊ່ວຍເຫຼືອທ້ອງຖິ່ນດຳເນີນງານຢ່າງເຄັ່ງຮ້ອນ. ປັດຈຸບັນ, ສາເຫດເກີດອຸບັດຕິເຫດຍັງຢູ່ໃນໄລຍະການສືບສວນສອບສວນຢູ່, ວຽກງານຊ່ວຍເຫຼືອພວມດຳເນີນໄປຢ່າງເຄັ່ງຮ້ອນ.
ທິມງານການແພດ “ຂະບວນລົດໄຟສັນຕິພາບ 2019” ໄດ້ເດີນທາງໄປເຖິງສະໜາມບິນຫຼວງພະບາງ
ຄຳເຫັນ
0