ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນເວລາທ່ານມາສຽວກວາງ ໂຄສົກຫ້ອງການວຽກງານໄຕ້ຫວັນຄະນະລັດຖະບານຈີນຕອບຄຳຖາມຂອງນັກຂ່າວກ່ຽວກັບອາເມຣິກາກຽມຈະຂາຍເຮືອບິນຮົບ F-16V ໃຫ້ໄຕ້ຫວັນຈີນ, ທ່ານກ່າວວ່າ, ກະຊວງການຕ່າງປະເທດຈີນໄດ້ກ່າວປະທ້ວງຢ່າງເຄັ່ງຂຶມຕໍ່ອາເມຣິກາ, ການກະທຳດັ່ງກ່າວຂອງອາເມຣິກາໄດ້ແຊກແຊງວຽກງານພາຍໃນຂອງຈີນຢ່າງຮ້າຍແຮງ, ໄດ້ລະເມີດຫຼັກການປະເທດຈີນດຽວ ແລະ ຂໍ້ກຳນົດທີ່ກ່ຽວຂ້ອງໃນຖະແຫຼງການຮ່ວມ 3 ສະບັບຈີນ-ອາເມຣິກາ ພ້ອມທັງທຳລາຍການພົວພັນຈີນ-ອາເມຣິກາ, ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນ ກໍຄືສັນຕິພາບແລະສະຖຽນລະພາບຂອງພາກພື້ນ. ພວກເຮົາຄັດຄ້ານຢ່າງເດັດດ່ຽວຕໍ່ເລື່ອງນີ້. ອາເມຣິກາຄວນຍົກເລີກແຜນການຂາຍອາວຸດໃຫ້ໄຕ້ຫວັນຈີນທັນທີ ແລະ ຢຸດຕິການສົ່ງສັນຍານທີ່ຜິດພາດຮ້າຍແຮງຕໍ່ອິດທິກຳລັງແບ່ງແຍກໄຕ້ຫວັນໃຫ້ເປັນເອກະລາດ. ອິດທິກຳລັງໃດໆລ້ວນແຕ່ບໍ່ຄວນປະໝາດຄວາມຕັດສິນໃຈແລະຄວາມສາມາດຂອງຈີນໃນການປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຈີນ.
ທ່ານມາສຽວກວ່າງກ່າວຕື່ມວ່າ, ນາງຊາຍຢິງເວີນ ແລະ ພັກປະຊາປະທິໄຕກ້າວໜ້າໄຕ້ຫວັນໄດ້ທຳລາຍຜົນປະໂຫຍດຂອງພີ່ນ້ອງຮ່ວມຊາດສອງຝັ່ງຊ່ອງແຄບໄຕ້ຫວັນ, ຕັ້ງໃຈເປັນ “ກອງຕະລຸມບອນ” ຂອງອາເມຣິກາ, ໂດຍຍອມຕັ້ງໃຈເປັນ “ລູກໝາກດ້າມ ໃຫ້ອາເມຣິກາ, ເມື່ອລູກໝາກດ້າມໄຮ້ຄ່າ ກໍຈະຖືກທອດຖິ້ມໃນທີ່ສຸດ ແລະ ຈະຖືກບັນທຶກໄວ້ໃນປະຫວັດສາດໃນລັກສະນະທີ່ອັບອາຍຂາຍໜ້າ.
ຄຳເຫັນ
0