ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂໍ້ມູນຫຼ້າສຸດທີ່ນະຄອນຫຼວງປັກກິ່ງຈີນເປີດເຜີຍໃນວັນທີ 19 ສິງຫານີ້ສະ ແດງໃຫ້ເຫັນວ່າ: ອຸດສາຫະກຳທີ 3 ຫຼືຂະແໜງການບໍລິການຂອງນະຄອນຫຼວງປັກກິ່ງໄດ້ປະກອບສ່ວນຕໍ່ການເຕີບໂຕດ້ານເສດຖະກິດຫຼາຍກວ່າ 80%, ການເຕີບໂຕດ້ານການບໍລິໂພກຂອງຊາວເມືອງເພື່ອຍົກສູງຄຸນນະພາບຊີວິດໄດ້ເພີ່ມຂຶ້ນຢ່າງບໍ່ຢຸດຢັ້ງ, ຍອດມູນຄ່າສິນຄ້າຂາເຂົ້າຂາອອກກວມຫຼາຍກວ່າ 1% ຂອງທົ່ວໂລກ.
ປີ2018, ຍອດມູນຄ່າການຜະລິດໃນຂອບເຂດທົ່ວນະຄອນຫຼວງປັກກິ່ງບັນລຸຫຼາຍກວ່າ 3 ພັນຕື້ຢວນ, ບັນລຸເກືອບ 700 ເທົ່າເມື່ອທຽບໃສ່ປີ 1952. ທ່ານນາງເຜີງຈ່ຽງຊ້ຽນ ຮອງຫົວໜ້າອົງການສະຖິຕິນະຄອນຫຼວງປັກກິ່ງແຈ້ງໃຫ້ຮູ້ວ່າ, ໃນຂະນະທີ່ກຳລັງແຮງດ້ານເສດຖະກິດຖືກຍົກສູງຂຶ້ນຢ່າງບໍ່ຢຸດຢັ້ງນັ້ນ, ປະສິດທິພາບຄຸນນະພາບການພັດທະນາເສດຖະກິດຂອງປັກກິ່ງກໍ່ໄດ້ຖືກຍົກສູງຂຶ້ນຢ່າງເດັ່ນຊັດ, ອົງປະກອບເສດຖະກິດໄດ້ປັບປຸງໃຫ້ດີຂຶ້ນຢ່າງບໍ່ຢຸດຢັ້ງ.
ສະຖິຕິສະແດງໃຫ້ເຫັນວ່າ, ການປະກອບສ່ວນຂອງອຸດສາຫະກຳທີ 3 ຕໍ່ເສດຖະກິດຂອງນະຄອນຫຼວງປັກກິ່ງໃນປີ 2018 ໄດ້ບັນລຸເຖິງ 81%, ເມື່ອທຽບກັບປີ 1949 ໄດ້ເພິ່ມຂຶ້ນ 40,9%, ການປະກອບສ່ວນຂອງຂະແໜງການດັ່ງກ່າວເຂົ້າໃນການເຕີບໂຕດ້ານເສດຖະກິດຂອງນະຄອນຫຼວງປັກກິ່ງບັນລຸຫຼາຍກວ່າ80%, ກາຍເປັນປັດໃຈສຳຄັນທີ່ສຸດຂອງເສດຖະກິດທົ່ວນະຄອນຫຼວງປັກກິ່ງ.
ຄຳເຫັນ
0