ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມວຽກງານສະພາປຶກສາການເມືອງສູນກາງຈີນ ຄືກອງປະຊຸມສະຫຼອງວັນສ້າງຕັ້ງສະພາປຶກສາການເມືອງປະຊາຊົນແຫ່ງຊາດຈີນຄົບຮອບ 70 ປີ ໄດ້ໄຂຂຶ້ນຢູ່ນະຄອນຫຼວງປັກກິ່ງໃນຕອນເຊົ້າວັນທີ 20 ກັນຍານີ້ ໂດຍທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມ ແລະໄດ້ປະກອບຄຳເຫັນຢ່າງສຳຄັນ. ທ່ານກ່າວເນັ້ນວ່າ, ການເພີ່ມທະວີແລະປັບປຸງວຽກງານຂອງສະພາປຶກສາການເມືອງປະຊາຊົນໃນຍຸກໃໝ່ ຕ້ອງຖືການຍຶດໝັ້ນແລະພັດທະນາສັງຄົມນິຍົມທີ່ມີສີສັນພິເສດຂອງຈີນເປັນສາຍຫຼັກໃນການປັບປຸງພື້ນຖານແນວຄິດການເມືອງທີ່ຮ່ວມກັນ, ຖືການຮັບໃຊ້ການບັນລຸເປົ້າໝາຍ 100 ປີສອງປະການເປັນຕົວຫຼັກໃນການເຮັດວຽກ, ຖືການເພີ່ມທະວີການນຳພາດ້ານແນວຄິດການເມືອງ, ເຕົ້າໂຮມຄວາມເປັນເອກະພາກັນເປັນເນື້ອໃນໃຈກາງຂອງວຽກກງານ, ຍຶດໝັ້ນໃນສອງຫົວຂໍ້ຫຼັກຄື: ສາມັກຄີແລະປະຊາທິປະໄຕ, ຍົກລະດັບການປຶກສາການເມືອງ ຕິດຕາມຢ່າງມີປະຊາທິປະໄຕ ແລະເຂົ້າຮ່ວມການເມືອງໃຫ້ສູງຂຶ້ນ, ຍຶດໝັ້ນລະບຽບການໃຫ້ປະຊາຊົນປຶກສາວຽກຮ່ວມກັນໃຫ້ດີ, ເຮັດພາລະກິດປຶກສາການເມືອງຂອງປະຊາຊົນໃຫ້ດີ, ຮັບໜ້າທີ່ຮັບຜິດຊອບໃນການຈັດຕັ້ງປະຕິບັດນະໂຍບາຍຂອງສູນກາງພັກໃຫ້ດີ ແລະເຕົ້າໂຮມສະຕິປັນຍາແລະກຳລັງຂອງລູກຫຼານເຊື້ອຊາດຈີນຢູ່ພາຍໃນແລະຕ່າງປະເທດໃຫ້ດີ, ເພື່ອປະກອບສ່ວນເຂົ້າໃນການຍາດເອົາໄຊຊະໃນການສ້າງເປັນສັງຄົມອິ່ມໜາມສຳລານຢ່າງຮອບດ້ານແລະສ້າງເປັນປະເທດສັງຄົມນິຍົມທີ່ເຂັ້ມແຂງທັນສະໄໝ.
ຄຳເຫັນ
0