ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນາງຮວງເສິງ ຈາກມະຫາວິທະຍາໄລຊິງຮວາເປັນອາສາສະໝັກໃນງານສະເຫຼີມສະຫຼອງວັນສະຖາປະນາ ສປ ຈີນຄົບຮອບ 70 ປີ. ການສາມາດເຂົ້າເປັນອາສາສະໝັກໃນງານດັ່ງກ່າວ, ນາງຮູ້ສຶກເປັນກຽດ ແລະ ພາກພູມໃຈທີ່ສຸດ. ນາງເປັນອາສາສະໝັກຢູ່ເຂດບ່ອນນັ່ງຂອງແຂກຜູ້ມີກຽດ, ພາຍຫຼັງງານເລີ່ມຕົ້ນຢ່າງເປັນທາງການແລ້ວ, ນາງຕ້ອງຖອນໄປຢູ່ທາງຫຼັງຂອງເຂດບ່ອນນັ່ງ, ບໍ່ສາມາດເບິ່ງພິທີສວນສະໜາມທີ່ໃຫຍ່ໂຕມະໂຫລານ, ຍ້ອນມີກຳແພງຂັ້ນໄວ້, ພຽງແຕ່ໄດ້ຍິນສຽງຂອງງານເທົ່ານັ້ນ. ໃນຖານະເປັນຜູ້ຕາງໜ້າຂອງອາສາສະໝັກໄວໜຸ່ມ, ນາງຮວງເສິງກ່າວວ່າ, ພວກເຮົາໄດ້ກຽມພ້ອມມາກ່ອນແລ້ວ ເພື່ອສະແດງຄວາມເຄົາລົບນັບຖືຕໍ່ຍຸກສະໄໝທີ່ຍິ່ງໃຫຍ່ ແລະ ປະເທດມານດາທີ່ຮັກແພງ.
ຕາມສະຖິຕິ, ອາສາສະໝັກໃນງານປີນີ້ມີໝື່ນກວ່າຄົນ, ສ່ວນຫຼາຍຈະເປັນໄວ່ໜຸ່ມທີ່ເກີດຊຸມປີ 1990 ແລະ ເກີດຫຼັງປີ 2000, ໃນນັ້ນ, ໄວໜຸ່ມທີ່ເກີດຊຸມປີ 1990 ໄດ້ກວມ 63% ແລະ ຜູ້ເກີດຫຼັງປີ 2000 ມີປະມານ 30%.
ຄຳເຫັນ
0