ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ຕຸລານີ້, ຢູ່ສະໜາມຫຼວງທ່ຽນອ່ານເມິນນະຄອນຫຼວງປັກກິ່ງໄດ້ຈັດງານສະເຫຼີມສະຫຼອງວັນສະຖາປະນາສປ ຈີນຄົບຮອບ 70 ປີ ກໍຄືພິທີສວນສະໜາມ, ທ່ານສີຈິ້ນຜິງ ປະທານປະເທດຈີນໄດ້ກ່າວປາໄສທີ່ສຳຄັນ. ສື່ມວນຊົນຕົ້ນຕໍຂອງໄທໄດ້ລາຍງານສົດຕໍ່ງານຄັ້ງນີ້ໂດຍຜ່ານໂທລະພາບ, ເວັບໄຊ ແລະສື່ສັງຄົມອອນລາຍ. ບຸກຄົນທີ່ເຂົ້າຮ່ວມການລາຍງານສົດພາກັນສະແດງວ່າ: ງານສະເຫຼີມສະຫຼອງຄັ້ງນີ້ໄດ້ສະແດງໃຫ້ເຫັນກຳລັງແຫ່ງຊາດ ແລະການທະຫານທີ່ເຂັ້ມແຂງຂອງຈີນ, ຍັງສ່ອງແສງເຖິງໝາກຜົນການພັດທະນາໃນດ້ານຕ່າງໆຂອງປະເທດຈີນໃໝ່.
ທ່ານເຂມະທັດ ພະລະເດດ ປະທານຂອງສະຖານີໂທລະພາບໂທທີວີຊີຊ່ອງ 9 ກ່າວວ່າ: ເທື່ອນີ້ເປັນເທື່ອທຳອິດຂອງສະຖະນີໂທລະພາບໄທລາຍງານສົດຕໍ່ງານສະເຫຼີມສະຫຼອງວັນຊາດຈີນໂດຍໄດ້ຮ່ວມມືກັບສື່ມວນຊົນຈີນ ເຊິ່ງໄດ້ໃຫ້ທົ່ວໂລກໄດ້ເຫັນຄວາມຍິ່ງໃຫຍ່ທີ່ປະຊາຊົນຈີນຮ່ວມຈິດເປັນຈິດໜຶ່ງໃຈດຽວກັນໃນການສະເຫຼີມສະຫຼອງເຫດການເດັ່ນໃນຄັ້ງນີ້.
ເມື່ອເວົ້າເຖິງຄຳປາໄສຂອງທ່ານປະທານສີຈິ້ນຜິງ, ທ່ານພົນເອກ ທົດສະພອນ ຫອມຈະເລີນ ເສນາທິການໃຫຍ່ຂອງກະຊວງປ້ອງກັນປະເທດໄທ, ອະດີດທູດທະຫານໄທປະຈຳຈີນກ່າວວ່າ: ຄຳເວົ້າຂອງທ່ານສີຈິ້ນຜິງທີ່ປະທັບໃຈທີ່ສຸດກໍຄື ທ່ານໄດ້ກ່າວເນັ້ນວ່າ: ບໍ່ມີອິດທິກຳລັງແຕ່ຢ່າງໃດສາມາດກີດຂວາງຄວາມກ້າວໜ້າຂອງປະຊາຊົນ ແລະຊົນຊາດຈີນ. ເຊື່ອໝັ້ນວ່າ ໃນອະນາຄົດອີກບໍ່ດົນນີ້, ຈີນຈະກາຍເປັນປະເທດທີ່ເຂັ້ມແຂງທີ່ສຸດໃນໂລກ. ແລະກໍເຊື່ອໝັ້ນວ່າ ປະຊາຊົນຈີນຈະມີຊີວິດການເປັນຢູ່ນັບມື້ນັບດີຂຶ້ນພາຍໃຕ້ການນຳພາຂອງການນຳຈີນຊຸດປະຈຸບັນນີ້.
ທ່ານນາງອັກສອນສຣີ ພານິດສານ ຮອງສາສະດາຈານສະຖາບັນເສດຖະສາດຂອງມະຫາວິທະຍາໄລທຳມະສາດໄທແມ່ນຜູ້ຊ່ຽວຊານຄົ້ນຄວ້າບັນຫາຈີນທີ່ມີຊື່ສຽງຂອງໄທ, ທ່ານກ່າວວ່າ: ພິທີສວນສະໜາມໃນງານສະເຫຼີມສະຫຼອງວັນຊາດຈີນເປັນການຢືນຢັນແຂງແຮງວ່າຈີນໄດ້ເຂົ້າສູ່ໄລຍະຍຸກໃໝ່ ເຊິ່ງໄດ້ສະແດງໃຫ້ເຫັນຜົນສຳເລັດທີ່ຈີນໄດ້ຮັບໃນການສ້າງສາພັດທະນາດ້ານຕ່າງໆ ແລະເປັນຜົນສຳເລັດທີ່ປະຊາຊົນສຳພັດ ແລະແບ່ງປັນໄດ້. ການພັດທະນາຢ່າງວ່ອງໄວຂອງປະເທດຈີນໃໝ່ຍັງໄດ້ສົ່ງຜົນໄປໃຫ້ປະເທດຫຼາຍໃນໂລກ.
ຄຳເຫັນ
0