ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ເນື່ອງໃນໂອກາດວັນສະຖາປະນາ ສປ ຈີນຄົບຮອບ 70 ປີ, ທ່ານ ອັຟຕັບ ຊິດດີຄຸຍ ຜູ້ຊ່ຽວຊານກ່ຽວກັບບັນຫາອາຊີຂອງອັງກິດ,ຜູ້ກໍ່ຕັ້ງໜ່ວຍງານ “ແລວເສດຖະກິດຈີນ-ປາກິສະຖານ” ແລະ “ໜຶ່ງແລວໜຶ່ງເສັ້ນທາງ” ລະຫວ່າງພັກການເມືອງໃນລັດຖະສະພາອັງກິດໄດ້ໃຫ້ສຳພາດຕໍ່ນັກຂ່າວCRI.
ທ່ານ ອັຟຕັບ ຊິດດີຄຸຍ ກ່າວວ່າ:ຈີນໄດ້ບັນລຸການໃຫ້ປະຊາກອນຈຳນວນ 700 ລ້ານຄົນຫຼຸດພົ້ນອອກຈາກຄວາມທຸກຍາກຢ່າງສຳເລັດຜົນ,ແມ່ນໝາກຜົນດ້ານເສດຖະກິດທີ່ປະຈັກຕາຊາວໂລກ ເຊິ່ງເປັນແບບຢ່າງທີ່ດີຕໍ່ບັນດາປະເທດທີ່ພວມພັດທະນາທີ່ ຢາກຈະຫຼຸດພົ້ນອອກຈາກຄວາມທຸກຍາກໂດຍໄວຢູ່ໃນໂລກ.
ທ່ານ ອັຟຕັບ ຊິດດີຄຸຍ ກ່າວເນັ້ນວ່າ: ອີກຂົງເຂດໜຶ່ງທີ່ຈີນຢູ່ນຳໜ້າໃນໂລກນັ້ນກໍ່ແມ່ນມາດຕະການຮັບມືກັບການປ່ຽນແປງຂອງດິນຟ້າອາກາດ. ທ່ານກ່າວວ່າ: ຈີນໄດ້ຮັບຄວາມກ້າວໜ້າທີ່ໃຫຍ່ຫຼວງໃນດ້ານການນຳໃຊ້ພະລັງແສງຕາເວັນ,ພະລັງງານລົມແລະພະລັງງານນ້ຳ. ເຊິ່ງໃນນີ້ບໍ່ພຽງແຕ່ແມ່ນການກ້າວກະໂດດດ້ານເຕັກນິກເທົ່ານັ້ນ,ສິ່ງສຳຄັນກວ່ານັ້ນແມ່ນເຮັດໃຫ້ພະລັງງານທີ່ນຳໃຊ້ຄືນໄດ້ມີລາຄາທີ່ຜູ້ບໍລິໂພກຮັບເອົາໄດ້. ມາດຕະການໃນດ້ານການຮັບມືກັບການປ່ຽນແປງຂອງດິນຟ້າອາກາດຂອງຈີນໄດ້ຊຸກຍູ້ການເຕີບໂຕແບບສີຂຽວພາຍໃຕ້ຂອບຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”,ເປັນແບບຢ່າງທີ່ດີໃນດ້ານການພັດທະນາພະລັງງານສະອາດ.
ຄຳເຫັນ
0