ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ຕຸລານີ້, ທ່ານຢັງ ຄລາດ ຢູງເຄີ ປະທານຄະນະກຳມະການສະຫະພາບເອີຣົບປະກາດວ່າ: ຄະນະກຳມະການສະຫະພາບເອີຣົບກັບລັດຖະບານອັງກິດໄດ້ບັນລຸສັນຍາ ກ່ຽວກັບ ການຖອນອອກຈາກສະຫະພາບເອີຣົບ.
ມື້ດຽວກັນ, ທ່ານຢັງ ຄລາດ ຢູງເຄີ ໄດ້ພິມຂໍ້ຄວາມລົງທະວີດເຕີ ສື່ສັງຄົມອອນລາຍວ່າ: ສັນຍາທີ່ສອງຝ່າຍບັນລຸນັ້ນ ເວົ້າສຳລັບສະຫະພາບເອີຣົບແລະອັງກິດແລ້ວ, ແມ່ນສັນຍາທີ່ສະເໝີພາບ ແລະ ດຸ່ນດ່ຽງ, ເຊິ່ງທ່ານຢືນຢັນວ່າ ພວກເຮົາກຳລັງປະຕິບັດຕາມຄຳໝັ້ນສັນຍາເພື່ອຊອກຫາຊ່ອງທາງແກ້ໄຂບັນຫາ.
ຄະນະກຳມະການສະຫະພາບເອີຣົບແມ່ນອົງການບໍລິຫານງານຂອງສະຫະພາບເອີຣົບ. ຕອນບ່າຍວັນທີ 17 ຕຸລານີ້ຕາມເວລາທ້ອງຖິ່ນ, ຜູ້ນຳທີ່ມາຈາກ 28 ປະເທດສະມາຊິກສະຫະພາບເອີຣົບເລີ່ມຈັດກອງປະຊຸມສຸດຍອດສະຫະພາບເອີຣົບທີ່ໃຊ້ເວລາ 2 ວັນຢູ່ນະຄອນບຣຸກແຊນ. ໃນກອງປະຊຸມສຸດຍອດ, ທ່ານຢັງ ຄລາດ ຢູງເຄີ ສະເໜີໃຫ້ຜູ້ນຳບັນດາປະເທດສະຫະພາບເອີຣົບສະໜັບສະໜູນສັນຍາສະບັບດັ່ງກ່າວ. ແຕ່ວ່າ, ສັນຍາຍັງຕ້ອງຜ່ານການອະນຸມັດຈາກລັດຖະສະພາເອີຣົບແລະລັດຖະສະພາອັງກິດສາກ່ອນ ຈຶ່ງຈະມີຜົນບັງຄັບໃຊ້.
ຄຳເຫັນ
0