ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມໂຕະມົນພຸດທະສາສະໜາທະເລຈີນໃຕ້ປີ 2019 ໄດ້ຈັດຂຶ້ນຢູ່ນະຄອນເຊິ່ນເຈີ້ນແຂວງກວາງຕຸ້ງ ສປ ຈີນ, ຜູ້ນຳໃນວົງການພຸດທະສາສະໜາແລະບຸກຄົນໃນວົງການການເມືອງແລະການສຶກສາການຄ້າຈາກ 18 ປະເທດແລະເຂດແຄວ້ນເຊັ່ນ:ລາວ,ມຽນມາ,ຟີລິບປິນ,ມົງໂກລີ,ກຳປູເຈຍ,ເນປານ,ສີລັງກາ,ໄທ,ສິງກະໂປແລະມາເລເຊຍເປັນຕົ້ນໄດ້ຮຽກຮ້ອງໃຫ້ຮ່ວມມືກັນເພື່ອຊຸກຍູ້ການແລກປ່ຽນແລະການພັດທະນາດ້ານອະລິຍະທຳໃນອາຊີ,ເພີ່ມຄວາມເຂົ້າໃຈກັນລະຫວ່າງປະຊາຊົນບັນດາປະເທດ,ແລະຮ່ວມກັນຊົມໃຊ້ໝາກຜົນການພັດທະນາອະລິຍະທຳ.
ຫົວຂໍ້ຂອງກອງປະຊຸມຄັ້ງນີ້ແມ່ນ “ຖອດຖອນແລະຮຽນຮູ້ເຊິ່ງກັນແລະກັນ,ຊົມໃຊ້ການພັດທະນາຮ່ວມກັນ”. ພຣະມະຫາອາຈານ ອິ້ນຊຸ້ນ ຮອງປະທານສະມາຄົມພຸດທະສາສະໜາຈີນ ເຈົ້າອາວາດວັດຫົງຝ້າເຊິ່ນເຈີ້ນໄດ້ປະກອບຄຳເຫັນໂດຍຮຽກຮ້ອງໃຫ້ຜູ້ນຳໃນວົງການພຸດທະສາສະໜາຈົ່ງກ້າວເດີນໄປຕາມຍຸກສະໄໝ,ພິຈາລະນາຢ່າງສຸຂຸມຮອບຄອບເພື່ອສະແຫວງຫາການປ່ຽນແປງໃໝ່,ຮ່ວມກັນຊຸກຍູ້ວຽກງານພຸດທະສາສະໜາໃຫ້ພັດທະນາໄປຕາມຍຸກສະໄໝ,ປັບຕົວໃຫ້ສອດຄ່ອງກັບການປ່ຽນແປງໃນຍຸກໃໝ່.
ໃນຂັ້ນຕອນການປະກອບຄຳຄິດຄຳເຫັນໃນກອງປະຊຸມ,ຜູ້ນຳພຸດທະສາສະໜາແລະບຸກຄົນວົງການການເມືອງແລະການຄ້າໄດ້ຮ່ວມກັນຄົ້ນຄວ້າປຶກສາຫາລືກ່ຽວກັບການຈະຖອດຖອນບົດຮຽນເຊິ່ງກັນແລະກັນໂດຍຜ່ານການແລກປ່ຽນອະລິຍະທຳ,ໃຊ້ສະຕິປັນຍາພຸດທະສາສະໜາເຂົ້າໃນການຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນແລະຮ່ວມກັນຊົມໃຊ້ໝາກຜົນການພັດທະນາ.
ຄຳເຫັນ
0