ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ຕຸລານີ້, ທ່ານຮານເຈີ້ງ ກຳມະການປະຈຳຂອງກົມການເມືອງສູນກາງພັກກອມມູນິດຈີນ ຮອງນາຍົກລັດຖະມົນຕີຈີນໄດ້ເຂົ້າຮ່ວມພິທີໄຂຂອງກອງປະຊຸມສຸດຍອດຊິ່ງດາວຜູ້ນຳບໍລິສັດຂ້າມຊາດຊິ່ງຕາວທີ່ຈັດຂຶ້ນຢູ່ຊິ່ງຕາວ ແຂວງຊ່ານຕົ່ງແລະໄດ້ອ່ານສານຊົມເຊີຍຂອງທ່ານປະທານສີຈິ້ນຜິງທັງກ່າວຄຳປາໄສ.
ທ່ານຮານເຈີ້ງກ່າວວ່າ, ໃນຂະບວນການປະຫວັດສາດຂອງການປະຕິຮູບແລະເປີດປະຕູສູ່ພາຍນອກຂອງຈີນ, ບໍລິສັດຂ້າມຊາດໄດ້ເປັນຜູ້ເຂົ້າຮ່ວມ, ເປັນສັກຂີພິຍານ ແລະກໍເປັນຜູ້ໄດ້ຮັບຜົນປະໂຫຍດ. ຈີນຍິນດີຕ້ອນຮັບບໍລິສັດຂ້າມຊາດລົງເລິກການລົງທຶນຢູ່ຈີນ, ຈີນຈະຜ່ອນຄາຍເງື່ອນໄຂໃນການອະນຸຍາດການລົງທຶນຂອງຕ່າງປະເທດຕື່ມອີກ, ລົງເລິກປະຕິບັດລະບຽບການການປະຕິບັດຕໍ່ເທົ່າທຽມກັບພົນລະເມືອງຈີນແລະລາຍການທາງລົບ, ເພີ່ມທະວີປົກປັກຮັກສາຊັບສິນທາງປັນຍາ, ສ້າງສະພາບແວດລ້ອມການດຳເນີນທຸລະກິດຂອງບໍລິສັດຂ້າມຊາດໃຫ້ນັບມື້ນັບດີຂຶ້ນ. ຈີນຍິນດີຕ້ອນຮັບບໍລິສັດຂ້າມຊາດຊົມໃຊ້ໂອກາດໃນຕະຫຼາດໃຫຍ່ຂອງຈີນ, ຈີນຈະປັບລົງພາສີຕື່ມອີກ, ກຳຈັດກຳແພງການຄ້າທີ່ບໍ່ແມ່ນພາສີຊະນິດຕ່າງໆ, ເລັ່ງລັດສ້າງຄວາມສະດວກໃຫ້ການຜ່ານດ່ານ, ລົງເລິກການຮ່ວມມືທາງການຄ້າສິນຄ້າປະເພດຈັບຕ້ອງໄດ້ແລະການຄ້າການບໍລິການກັບປະເທດຕ່າງໆ. ຈີນຊົມເຊີຍບໍລິສັດຂ້າມຊາດເສີມຂະຫຍາຍບົດບາດເປັນຂົວ, ຈີນຍິນດີຮ່ວມກັບບໍລິສັດຂ້າມຊາດ, ຊຸກຍູ້ການແລກປ່ຽນແລະຮ່ວມມືໃນຂົງເຂດຕ່າງໆເຊັ່ນ: ການປະດິດສ້າງໃໝ່, ການພັດທະນາສີຂຽວ, ການບໍລິຫານໂລກເປັນຕົ້ນ. ຍິນດີຕ້ອນຮັບບໍລິສັດຂ້າມຊາດເຂົ້າຮ່ວມການສ້າງ “ໜຶ່ງແລວໜຶ່ງເສັ້ນທາງ ” ຢ່າງເລິກເຊິ່ງ, ລົງເລິກການຮ່ວມມືດ້ານການສ້າງຄວາມສາມາດດ້ານການຜະລິດສາກົນ, ຮ່ວມດຳເນີນການຮ່ວມມືຕະຫຼາດຝ່າຍທີ 3. ຈີນຍິນດີຕ້ອນຮັບບໍລິສັດຂ້າມຊາດຮັກສາລະບົບການຄ້າຫຼາຍຝ່າຍຮ່ວມກັນ, ຍິນດີຮ່ວມກັບບໍລິສັດຂ້າມຊາດຊຸກຍູ້ການລົງທຶນການຄ້າຫັນເປັນເສລີ ແລະມີຄວາມສະດວກກວ່າເກົ່າ, ຊຸກຍູ້ເສດຖະກິດໂລກາພິວັດໃຫ້ພັດທະນາຕາມທິດທາງທີ່ເປີດປະຕູ ກວມລວມ ໄດ້ຮັບຜົນປະໂຫຍດໂດຍທົ່ວໄປ ສົມດຸນກັນແລະ ຕ່າງຝ່າຍຕ່າງມີຜົນປະໂຍຫດຫຼາຍກວ່າເກົ່າ.
ຄຳເຫັນ
0