ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 19 ຕຸລານີ້, ທ່ານໂດໂນ ທຣຳ ປະທານາທິບໍດີອາເມຣິກາກ່າວວ່າ, ຍ້ອນວ່າສື່ມວນຊົນແລະສະມາຊິກພັກປະຊາທິປະໄຕມີເຈດຕະນາເປັນປໍລະປັກ, ທ່ານຈຶ່ງຕົກລົງຍົກເລີກສະຖານທີ່ຈັດກອງປະຊຸມສຸດຍອດ G7 ໃນປີ 2020ທີ່ຈະຈັດຂຶ້ນຢູ່ສະໂມສອນກ້ອຟສ່ວນຕົວຂອງຕົນຢູ່ລັດຟຣໍຣີດາ, ແລະເລືອກສະຖານທີ່ຈັດກອງປະຊຸມສຸດຍອດ G7 ຄືນໃໝ່.
ທ່ານທຣຳ ລະບຸໃນສື່ສັງຄົມອອນລາຍວ່າ, ອາເມຣິກາຈະເລີ່ມຊອກຫາສະຖານທີ່ອື່ນເປັນບ່ອນຈັດກອງປະຊຸມສຸດຍອດ G7 ໃນປີໜ້າ, ແຄ້ມເດວິດເຊິ່ງເປັນສະຖານທີ່ພັກຂອງປະທານາທິບໍດີທີ່ຕັ້ງຢູ່ລັດແມຣິແລນກໍຢູ່ໃນບັນຊີລາຍການພິຈາລະນາ.
ວັນທີ 17 ຕຸລານີ້, ທ່ານເມົ້າເວນນີ ຮັກສາການຫົວໜ້າຫ້ອງການທຳນຽບຂາວອາເມຣິກາປະກາດວ່າ, ກອງປະຊຸມສຸດຍອດ G7 ຈະຈັດຂຶ້ນຢູ່ “ສະໂມສອນກ້ອຟ ໂດໂນແຫ່ງຊາດ ທຣຳ” ທີ່ຕັ້ງຢູ່ໄມອາມິລັດຟຣໍຣີດາແຕ່ວັນທີ 10 ຫາວັນທີ 12 ມິຖຸນາປີ 2020. ການກະທຳດັ່ງກ່າວເຮັດໃຫ້ພັກປະຊາທິປະໄຕ, ສື່ມວນຊົນແລະສະມາຊິກສ່ວນໜຶ່ງຂອງພັກສາທາລະນະລັດຂອງອາເມຣິກາຮູ້ສຶກບໍ່ພໍໃຈ, ໂດຍຕິຕຽນທ່ານທຣຳວ່າສະແຫວງຫາຜົນປະໂຫຍດສ່ວນຕົວໃນນາມສ່ວນລວມ.
ຄຳເຫັນ
0