蒙龍

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二屆中國國際進口博覽會

ອາ​ເມ​ຣິ​ກາ​ໄດ້​ຖອນ​ທະ​ຫານ​​​ອອກ​ຈາກພາກ​ຕາ​ເວັນ​ອອກ​ສຽງ​ເໜືອ​ຊີ​ຣີ​ມາ​ປະ​ຈຳ​​ການຢູ່​ອີ​ຣັກ

2019-10-21 16:32:23 CRI

ວັນ​ທີ 19 ຕຸ​ລາ​ນີ້, ທ່ານ​ມາກ ແອ​ສ​ເປີ ລັດ​ຖະ​ມົນ​ຕີ​ກະ​ຊວງ​ປ້ອ​ງກັນ​ປະ​ເທດ​ອາ​ເມ​ຣິ​ກາ​ກ່າວ​ວ່າ, ​ໄດ້​ຖອນ​ທະ​ຫານ​ປະ​ມານ 1000 ຄົນ ​ທີ່​ປະ​ຈຳ​ຢູ່​ພາກ​ຕາ​ເວັນ​ອອກ​ສຽງ​ເໜືອ​ຊີ​ຣີ​ມາ​ປະ​ຈຳ​ຢູ່ພາກ​ຕາ​ເວັນ​ຕົກ​ຂອງ​ປະ​ເທດ​ອີ​ຣັກ ​ເພື່ອປະ​ຕິ​ບັດ​ໜ້າ​ທີ່​ຊ່ວຍ​ປົກ​ປ້ອງ​ປະ​ເທດ​ທີ່​ຖືກ​ທຳ​ລາຍ​ຈາກ​ສົງ​ຄາມ ແລະ ເຮັດ​ໜ້າ​ທີ່​ຕໍ່​ຕ້ານກຸ່ມ​ຫົວ​ຮຸນ​ແຮງ “ລັດ​ອິ​ສ​ລາມ” ແລະ ໜ້າ​ທີ່​ອື່ນໆ.

ວັນ​ທີ 20 ຕຸ​ລາ​ນີ້, ກະ​ຊວງ​ປ້ອງ​ກັນ​ຊາດ​ອາ​ເມ​ຣິ​ກາ​ໄດ້​ເປີດ​ເຜີຍ​ຕາມ​ຄຳ​ເວົ້າກ່ຽວ​ກັບ​ການ​ໃຫ້​ສຳ​ພາດ​ຕໍ່​ນັກ​ຂ່າວ​ຂອງ​ທ່ານ​ມາກ ແອ​ສ​ເປີ ໃນ​ໄລ​ຍະ​ເດີນ​ທາງ​ໄປ​ອັ​ຟ​ກາ​ນິ​ສະ​ຖານ, ທ່ານ​ກ່າວ​ວ່າ, ແຜນ​ການ​ຖອນ​ທະ​ຫານ​ດັ່ງ​ກ່າວ​ຈະ​​ໃຊ້ເວ​ລາຫຼາຍ​ອາ​ທິດ. ພາຍຫຼັງ​ໄປ​ປະ​ຈຳ​ການ​ຢູ່​ອີ​ຣັກ​ແລ້ວ, ຈະ​ມີ​ສອງ​ໜ້າ​ທີ່​ຕົ້ນ​ຕໍ ຄື: ຊ່ວຍ​ປ້ອງ​ກັນ​ອີ​ຣັກ ແລະ ສືບ​ຕໍ່​ໂຈມ​ຕີ​ກຸ່ມ​ຫົວ​ຮຸນ​ແຮງ “ລັດ​ອິ​ສ​ລາມ”.

ທ່ານ​ມາກ ແອ​ສ​ເປີ​ກ່າວ​ຕື່ມ​ວ່າ, ຕົນ​ໄດ້​ປຶກ​ສາ​ຫາ​ລື​ກັບ​ລັດ​ຖະ​ມົນ​ຕີກະ​ຊວງ​ປ້ອງ​ກັນ​ປະ​ເທດ​ອີ​ຣັກ​ກ່ຽວ​ກັບ​ເລື່ອງ​ນີ້​ແລ້ວ ແລະ ກ່າວ​ວ່າ, ນີ້​ເປັນ​ແຜນ​ການ​ໃນ​ປັດ​ຈຸ​ບັນ​ນີ້​ເທົ່າ​ນັ້ນ ແລະ ອາດ​ຈະ​ປ່ຽນ​ແປງ​ແຜນ​ການ​ໄດ້​ທຸກ​ເວ​ລາ.

ປັດ​ຈຸ​ບັນ​ນີ້, ​ທະ​ຫານອາ​ເມ​ຣິ​ກາ​ໄດ້​ປະ​ຈຳ​ການ​ຢູ່​ອີ​ຣັກຫຼາຍກວ່າ 5200, ໜ້າ​ທີ່​ຕົ້ນ​ຕໍ​ແມ່ນ​ຊ່ວຍ​ຝຶກ​ຊ້ອມ​ທະ​ຫານ​ອີ​ຣັກ ແລະ ເປັນ​ທີ່​ປຶກ​ສາ​ທາງ​ການ​ທະ​ຫານ, ຂະ​ນະ​ດຽວ​ກັນ​ຍັງ​ປະ​ຕິ​ບັດໂຈມ​ຕີ “ລັດ​ອິ​ສ​ລາມ” ທີ່​ເຫຼືອ​​ຢູ່​ອີ​ຣັກ.

ຄຳ​ເຫັນ

0