ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມໃຫຍ່ອຸດສາຫະກຳ VR ໂລກປີ 2019 ທີ່ຈັດຂຶ້ນໃນວັນທີ 19 ຕຸລານີ້, ທ່ານ ລີວເຮີ້ ຮອງນາຍົກລັດຖະມົນຕີຈີນໄດ້ກ່າວຄຳປາໄສໂດຍໄດ້ສົ່ງສັນຍານທີ່ຕັ້ງໜ້າໃນ 3 ດ້ານຄື: ພື້ນຖານເສດຖະກິດຈີນທີ່ພັດທະນາໄປໃນທິດທາງທີ່ດີເປັນໄລຍະຍາວນັ້ນບໍ່ໄດ້ມີການປ່ຽນແປງ; ການເຈລະຈາດ້ານເສດຖະກິດການຄ້າລະຫວ່າງຈີນ-ອາເມຣິກາໄດ້ຮັບຜົນຄືບໜ້າຢ່າງເປັນຮູບປະທຳໃນຫຼາຍຂົງເຂດ,ເປັນການສ້າງພື້ນຖານທີ່ສຳຄັນໃຫ້ແກ່ການບັນລຸສັນຍາໃນແຕ່ລະໄລຍະ;ຈີນມີຄວາມໝັ້ນໃຈແລະມີຄວາມສາມາດຢ່າງເຕັມສ່ວນໃນການຮັບປະກັນການບັນລຸເປົ້າໝາຍດ້ານເສດຖະກິດມະຫາພາກທີ່ກຳນົດໄວ້. ລວມຍອດມູນຄ່າຜະລິດຕະພັນພາຍໃນປະເທດຫຼືGDPຂອງຈີນໃນ 3 ໄຕມາດ ຂອງປີນີ້ໄດ້ເພີ່ມຂຶ້ນ 6,2% ເມື່ອທຽບໃສ່ໄລຍະດຽວກັນຂອງປີກາຍ,ຈັງຫວະການເຕີບໂຕດັ່ງກ່າວສືບຕໍ່ຢູ່ອັນດັບ 1 ຂອງກຸ່ມເສດຖະກິດທີ່ສຳຄັນຂອງໂລກ ເຊິ່ງໄດ້ສະແດງໃຫ້ເຫັນເຖິງຄວາມເຂັ້ມແຂງຂອງເສດຖະກິດຈີນທີ່ມີຄວາມສາມາດຕ້ານທານແລະຮັບມືກັບ ຄວາມສ່ຽງໄດ້,ກໍຄືຄວາມສາມາດຂອງລັດຖະບານຈີນທີ່ນຳໃຊ້ເຄື່ອງມືດ້ານນະໂຍບາຍຢ່າງເໝາະສົມ.
ກ່ຽວກັບຄວາມຂັດແຍ້ງກັນດ້ານການຄ້າລະຫວ່າງຈີນ-ອາເມຣິກາ,ໃນບົດປາໄສໄດ້ເນັ້ນໜັກວ່າ: ການຢຸດຕິສົງຄາມການຄ້າມີຜົນດີຕໍ່ຈີນ,ທັງມີຜົນດີຕໍ່ອາເມຣິກາແລະກໍ່ມີຜົນດີຕໍ່ທົ່ວໂລກ ເຊິ່ງນີ້ເປັນຄວາມຮັບຮູ້ຢ່າງເປັນເອກະພາບຫຼ້າສຸດລະຫວ່າງສອງຝ່າຍ. ບໍ່ວ່າສະຖານະການໃນອະນາຄົດຈະມີການປ່ຽນແປງໄປໃນທິດທາງໃດກໍ່ຕາມ,ຈີນມີຄວາມໝັ້ນໃຈແລະມີຄວາມສາມາດຢ່າງເຕັມສ່ວນໃນການຮັບມືກັບສິ່ງທ້າທາຍທຸກຮູບແບບ,ເພື່ອຮັບປະກັນການບັນລຸເປົ້າໝາຍດ້ານເສດຖະກິດມະຫາພາກທີ່ກຳນົດໄວ້,ຊຸກຍູ້ການພັດທະນາເສດຖະກິດທີ່ມີຄຸນນະພາບສູງ.
ຄຳເຫັນ
0