ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານໂຈໂຄ ວີໂດໂດ ທີ່ໄດ້ຮັບເລືອກຕັ້ງເປັນປະທານາທິບໍດີອິນໂດເນເຊຍຕໍ່ເນື່ອງອີກສະໄໝໜຶ່ງ ໄດ້ສາບານຕົວຂຶ້ນຮັບຕຳແໜ່ງໃນວັນທີ 20 ຕຸລານີ້ຢູ່ນະຄອນຫຼວງຈາກາຕາ ເຊິ່ງເປັນການເລີ່ມຕົ້ນດຳລົງຕຳແໜ່ງປະທານາທິບໍດີສະໄໝທີ 2 ຢ່າງເປັນທາງການ. ທ່ານໄດ້ໃຫ້ຄຳໝັ້ນສັນຍາໃນພິທີເຂົ້າຮັບຕຳແໜ່ງວ່າ: ຈະຖືເອົາການພັດທະນາຊັບພະຍາກອນມະນຸດ ແລະ ສ້າງໂອກາດຫາວຽກເຮັດງານທຳເປັນວຽກງານຈຸດສຸມໃນອາຍຸການດຳລົງຕຳແໜ່ງປະທານາທິບໍດີສະໄໝທີ 2 ຂອງຕົນ.
ໃນຄຳປາໄສ, ທ່ານໂຈໂຄ ວີໂດໂດ ຍັງໄດ້ກ່າວເຖິງເປົ້າໝາຍທີ່ຍິ່ງໃຫຍ່ ຄື: “ອິນໂດເນເຊຍຕ້ອງພັດທະນາໃຫ້ເປັນກຸ່ມເສດຖະກິດໃຫຍ່ 1 ໃນ 5 ຂອງໂລກໃນໂອກາດຄົບຮອບ 100 ປີຂອງການສະຖາປະນາປະເທດ”. ທ່ານກ່າວຕື່ມວ່າ: ເມື່ອຮອດປີ 2045 ເຊິ່ງເປັນປີຄົບຮອບ 100 ປີຂອງການສະຖາປະນາປະເທດ, ລວມຍອດມູນຄ່າຜະລິດຕະພັນພາຍໃນປະເທດ ຫຼື GDP ຂອງອິນໂດເນເຊຍຈະບັນລຸເຖິງ 7.000 ຕື້ໂດລາສະຫະລັດ ເຊື່ອວ່າເປົ້າໝາຍນີ້ຈະສາມາດບັນລຸຜົນເປັນຈິງໄດ້ ແຕ່ກໍຕ້ອງພະຍາຍາມຢ່າງທໍລະຫົດອົດທົນ ແລະ ຕ້ອງຍົກປະສິດທິພາບຂອງການເຮັດວຽກໃຫ້ສູງກວ່າເກົ່າ. ຂະນະທີ່ຕົນກໍຈະນຳພາຄະນະລັດຖະບານສຸມໃສ່ຮັບປະກັນການບັນລຸເປົ້າໝາຍການພັດທະນາໃນອາຍຸການດຳລົງຕຳແໜ່ງໄລຍະ 5 ປີຕໍ່ໜ້ານີ້.
ຄຳເຫັນ
0