ວັນ​ທີ 5 ພະ​ຈິກນີ້, ໃນ​ເວ​ລາທ່ານ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ກ່າວ​ຄຳ​ປາ​ໄສ​ໃນ​ພິ​ທີ​ເປີດ​ງານ​ວາງ​ສະ​ແດງ​​ສິນ​ຄ້ານຳ​ເຂົ້າ​ສາ​ກົນ​ຈີນ​ຄັ້ງ​ທີ 2 , ທ່ານ​ໄດ້​ປະ​ກາດ​ມາດ​ຕະ​ການຂອງ​ຈີນໃນ 5 ດ້ານ ​ເພື່ອ​ຊຸກ​ຍູ້​ການ​ເປີດ​ປະ​ຕູ​ສູ່​ພາຍນອກໃຫ້​ມີ​ລະ​ດັບ​ສູງກວ່າ​ເກົ່າ, ເຊິ່ງ​ລວມ​ທັງ​​ການສືບ​ຕໍ່​ເປີດກວ້າງ​ການ​ເປີດ​ປະ​ຕູ​ຂອງ​ຕະຫຼາດ​ຈີນ, ສືບ​ຕໍ່​ບູ​ລະ​ນະ​ສະ​​ພາບການ​ເປີດ​ປະ​ຕູ​ໃຫ້​ສົມ​ບູນ​ຂຶ້ນ, ສືບ​ຕໍ່​ສ້າງ​ສະ​ພາບ​ແວດ​ລ້ອມ​ການ​ທຸ​ລະ​ກິດ​ໃຫ້​ດີ​ຂຶ້ນ, ສືບ​ຕໍ່​ລົງ​ເລິກ​ການ​ຮ່ວມ​ມືຫຼາຍ​ຝ່າຍ​ແລະ​ສອງ​ຝ່າຍ, ສືບ​ຕໍ່​ຊຸກ​ຍູ້​​ການຮ່ວມ​ກັນ​ສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ”.

ທ່ານ​ສີ​ຈິ້ນ​ຜິງ​ເຊື່ອ​ວ່າ, ອະ​ນາ​ຄົດ​ແຫ່ງ​ການ​ພັດ​ທະ​ນາ​ເສດ​ຖະ​ກິດ​ຂອງ​ຈີນ​ຈະ​​ສົດ​ໃສກວ່າ​ເກົ່າ​, ແລະ​ຈະ​ສະ​ຫວ່າງ​ສະ​ໄຫວກວ່າ​ເກົ່າຢ່າງ​ແນ່ນອນ.