ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ພະຈິກນີ້, ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ, ທ່ານວາງຊີສ່ານ ຮອງປະທານປະເທດຈີນໄດ້ເຂົ້າຮ່ວມກອງປະຊຸມສຳມະນາສາກົນເພື່ອລະນຶກວັນເກີດຂົງຈື້ຄົບຮອບ 2570 ປີ ກໍ່ຄື ພິທີເປີດກອງປະຊຸມສະຫະພັນປັດຊະຍາຂົງຈື້ສາກົນຄັ້ງທີ 6.
ທ່ານວາງຊີສ່ານໄດ້ຕາງໜ້າທ່ານປະທານສີຈີ້ນຜິງ ແລະ ລັດຖະບານຈີນ ສະແດງຄວາມຊົມເຊີຍຕໍ່ການຈັດກອງປະຊຸມຄັ້ງນີ້. ທ່ານວາງຊີສ່ານກ່າວວ່າ, ສປຈີນສະຖາປະນາຂຶ້ນເປັນເວລາ 70 ປີມານີ້ ໄດ້ຮັບຜົນສຳເລັດຍິ່ງໃຫຍ່ສະຫງ່າງາມ ເຊິ່ງເປັນຜົນງານທີ່ປະຊາຊົນຍາດໄດ້ດ້ວຍຄວາມດຸໝັ່ນຂະຫຍັນພຽນ ແລະກຳລັງເຫື່ອແຮງ, ທັງສະແດງໃຫ້ເຫັນສະຕິປັນຍາ ແລະ ສິ່ງປະເສີດຂອງອາລະຍະທຳຈີນ.
ທ່ານວາງຊີສ່ານກ່າວເນັ້ນວ່າ, ປີ 2014, ທ່ານປະທານສີຈີ້ນຜິງໄດ້ກ່າວຄຳປາໄສອັນສຳຄັນໃນກອງປະຊຸມສະຫະພັນປັດຊະຍາຂົງຈື້ສາກົນຄັ້ງທີ 5, ໂດຍໄດ້ຊີ້ທິດຢ່າງຈະແຈ້ງເພື່ອເຊີດຊູ ແລະ ວັດທະນະທຳປັດຊະຍາຂົງຈື້ ແລະແນວຄິດທີ່ດີເດັ່ນທຸກຢ່າງຂອງໃນວັດທະນະທຳອັນມີມູນເຊື້ອ ພ້ອມທັງຊຸກຍູ້ອາລະຍະທຳທີ່ຕ່າງກັນຖອດຖອນບົດຮຽນເຊິ່ງກັນແລະກັນ. ຢືນຢູ່ຈຸດເລີ່ມຕົ້ນໃໝ່ໃນປະຫວັດການ, ພວກເຮົາຈະຖືເອົາແນວຄິດສີຈີ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເປັນທິດຊີ້ນຳ, ເຄົາລົບອາລະຍະທຳທຸກຢ່າງໃນໂລກ, ປະກອບສ່ວນຄວາມກ້າວໜ້າຂອງອາລະຍະທຳມວນມະນຸດໃຫ້ຫຼາຍຂຶ້ນຢ່າງບໍ່ຢຸດຢັ້ງ.
ຄຳເຫັນ
0