ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ພະຈິກນີ້, ທ່ານ ມາກເອສເປີ ລັດຖະມົນຕີກະຊວງປ້ອງກັນປະເທດອາເມຣິກາໄດ້ກ່າວຢູ່ນະຄອນຫຼວງບາງກອກປະເທດໄທວ່າ: ອາເມຣິກາແລະສ.ເກົາຫຼີຈະເລື່ອນເວລາຈັດການຊ້ອມຮົບຮ່ວມລະຫວ່າງສອງປະເທດໂດຍບໍ່ມີກຳນົດ,ເພື່ອສະແດງໃຫ້ເຫັນເຖິງຄວາມຈິງໃຈຕໍ່ສປປເກົາຫຼີ.
ທ່ານ ເອສເປີ ໄດ້ໃຫ້ທັດສະນະດັ່ງກ່າວໃນກອງປະຊຸມຖະແຫຼງຂ່າວຮ່ວມລະຫວ່າງອາເມຣິກາ-ສ.ເກົາຫຼີທີ່ຈັດຂຶ້ນໃນໄລຍະກອງປະຊຸມບໍ່ເປັນທາງການຂອງລັດຖະມົນຕີກະຊວງປ້ອງກັນປະເທດອາຊຽນ. ທ່ານກ່າວວ່າ: ການເລື່ອນເວລາຈັດການຊ້ອມຮົບຮ່ວມອາເມຣິກາ-ສ.ເກົາຫຼີບໍ່ແມ່ນການອ່ອນຍາມຕໍ່ສປປເກົາຫຼີ,ຫາກແມ່ນການເປີດປະຕູທາງການທູດປະຕູໜຶ່ງເພື່ອຈຳກັດໄພຂົ່ມຂູ່ດ້ານອາວຸດນິວເຄລຍຂອງສປປເກົາຫຼີ,ອາເມຣິກາແລະສ.ເກົາຫຼີຫວັງວ່າຈະສາມາດບັນລຸການປອດນິວເຄລຍຢູ່ແຫຼມເກົາຫຼີໃນທີ່ສຸດ. ທ່ານຍັງໄດ້ຮຽກຮ້ອງໃຫ້ສປປເກົາຫຼີກັບຄືນສູ່ໂຕະເຈລະຈາໂດຍບໍ່ມີເງື່ອນໄຂ.
ຕາມສຳນັກຂ່າວສານສູນກາງສປປເກົາຫຼີລາຍງານໃນວັນທີ 13 ພະຈິກນີ້ວ່າ:ໂຄສົກຄະນະກຳມະການວຽກງານແຫ່ງລັດສປປເກົາຫຼີໄດ້ກ່າວໃນມື້ດຽວກັນນີ້ໂດຍໄດ້ຕຳໜິຕຳນິອາເມຣິກາແລະສ.ເກົາຫຼີມີແຜນຈະຈັດການຊ້ອມຮົບທາງອາກາດຮ່ວມເຊິ່ງເປັນການຊ້ອມຮົບທີ່ເປັນປໍລະປັກຕໍ່ສປປເກົາຫຼີ.
ຄຳເຫັນ
0