ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 4 ທັນວານີ້, ທ່ານມາຮາເທຍ ບິນ ໂມຮາມັດ ນາຍົກລັດຖະມົນຕີມາເລເຊຍກ່າວວ່າ: ໃນຖານະທີ່ເປັນເຈົ້າພາບກອງປະຊຸມອົງການຮ່ວມມືເສດຖະກິດອາຊີປາຊີຟິກຫຼື APEC ປີ 2020, ມາເລເຊຍຈະຊຸກຍູ້ການຮ່ວມມືດ້ານເສດຖະກິດຂອງພາກພື້ນອາຊີປາຊີຟິກ, ຮ່ວມກັນຮັບມືກັບຄວາມບໍ່ແນ່ນອນ, ແລະຊຸກຍູ້ໃຫ້ມີຄວາມຈະເລີນຮ່ວມກັນ.
ມື້ດຽວກັນ, ລັດຖະບານມາເລເຊຍໄດ້ຈັດພິທີເລີ່ມຕົ້ນກະກຽມຈັດກອງປະຊຸມອົງການຮ່ວມມືເສດຖະກິດອາຊີປາຊີຟິກໃນປີໜ້າຢູ່ເຊເບີກາຢາ.
ໃນພິທີດັ່ງກ່າວ, ທ່ານມາຮາເທຍກ່າວວ່າ: ວັດທະນະທຳອາຊີສົ່ງເສີມການຊົມໃຊ້ຄວາມຈະເລີນຮຸ່ງເຮືອງຮ່ວມກັນ, ມາເລເຊຍໄດ້ກຳນົດຫົວຂໍ້ຂອງກອງປະຊຸມອົງການຮ່ວມມືເສດຖະກິດອາຊີປາຊີຟິກປີ 2020 ວ່າ“ນຳໃຊ້ກຳລັງບົ່ມຊ້ອນຂອງມວນມະນຸດຢ່າງເຕັມທີ່ ກ້າວໄປສູ່ອະນາຄົດທີ່ຈະເລີນຮຸ່ງເຮືອງຮ່ວມກັນ”.
ທ່ານຊີ້ໃຫ້ເຫັນວ່າ: ປີ 2020 ເປັນປີທີ່ສຳຄັນສຳລັບອົງການຮ່ວມມືເສດຖະກິດອາຊີປາຊີຟິກ, ສະມາຊິກຂອງອົງການດັ່ງກ່າວຈະປະກາດວິໄສທັດການຮ່ວມມືຫຼັງປີ 2020, ເພື່ອກຳນົດທິດທາງຢ່າງຈະແຈ້ງຕໍ່ອະນາຄົດຂອງອົງການດັ່ງກ່າວ.
ຄຳເຫັນ
0