ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ທັນວານີ້, ວິທະຍຸສາກົນແຫ່ງປະເທດຈີນຫຼືCRIອອກບົດວິຈານທີ່ພາດຫົວຂໍ້ວ່າ “ຊັກຊວນອາເມລິກາຢ່າສູ່ເປັນກ້ອນຫີນຕັນທາງໃນການຕໍ່ຕ້ານລັດທິກໍ່ການຮ້າຍສາກົນອີກ”.
ບົດຄວາມດັ່ງກ່າວຂຽນວ່າ,ຫວ່າງກ່ອນນີ້ບໍ່ດົນ,ອາເມລິກາໄດ້ຮັບຮອງ“ຮ່າງກົດໝາຍວ່າດ້ວຍນະໂຍບາຍສິດທິມະນຸດເຜົ່າອຸຍເກີ2019“ຢ່າງເປີດແປນ, ໃສ່ຮ້າຍປ້າຍສີຢ່າງບັງອາດຕໍ່ຄວາມພະຍາຍາມຂອງຈີນໃນການຕໍ່ຕ້ານລັດທິກໍ່ການຮ້າຍແລະລັດທິຫົວຮຸນແຮງ, ກ່າວໂຈມຕີນະໂຍບາຍປົກຄອງເຂດຊິ່ນຈ່ຽງຂອງລັດຖະບານຈີນ,ເຊິ່ງເປັນການກະທຳລະເມີດກົດໝາຍສາກົນແລະຫຼັກການພື້ນຖານແຫ່ງການພົວພັນສາກົນຢ່າງໜັກໜ່ວງ. ຮ່າງກົດໝາຍສະບັບດັ່ງກ່າວໄດ້ ເຜີຍແບຢ່າງເຕັມທີ່ໃຫ້ເຫັນອາເມລິກາປະຕິບັດສອງມາດຕະຖານໃນບັນຫາຕໍ່ຕ້ານລັດທິກໍ່ການຮ້າຍແລະຖືສິດທິມະນຸດເປັນຂໍ້ອ້າງມາແຊກແຊງວຽກງານພາຍໃນຂອງຈີນຢ່າງບັງອາດ,ສົ່ງສັນຍານຜິດທີ່ໜັກໜ່ວງຕໍ່ອິດທິກຳລັງຮຸນແຮງແລະອິດທິກຳລັງກໍ່ການຮ້າຍ, ເຊິ່ງຖືກປະຊາຊົນຈີນແລະປະຊາຄົມໂລກຄັດຄ້ານຢ່າງເດັດດ່ຽວ.
ບົດຄວາມຊີ້ອອກວ່າ,ໃນຊຸມປີມໍ່ໆມານີ້,ການກະທຳທີ່ເປັນຕາຊັງຂອງອາເມລິກາທີ່ຖືສິດທິມະນຸດເປັນຂໍ້ອ້າງໃນການຢຽບຢ່ຳສິດທິມະນຸດ ແລະປະຕິບັດລັດທິມະຫາອຳນາດ, ໄດ້ຖືກປະຊາຊົນທົ່ວໂລກພ້ອມກັນກ່າວປະນາມ. ສິ່ງທີ່ຮ້າຍແຮງກວ່ານັ້ນແມ່ນ,ອາເມລິກາໄດ້ຖືທັດສະນະອະຄະຕິໃນບັນຫາຕໍ່ຕ້ານລັດທິກໍ່ການຮ້າຍ, ບິດເບືອນຄວາມຈິງ,ທຳລາຍການຮ່ວມມືສາກົນໃນການຕໍ່ຕ້ານລັດທິກໍ່ການຮ້າຍຢ່າງໜັກໜ່ວງ.
ບົດຄວາມເນັ້ນວ່າ,ບັນຫາຊິ່ນຈ່ຽງບໍ່ແມ່ນບັນຫາກ່ຽວກັບສິດທິມະນຸດ, ຊົນເຜົ່າແລະສາສະໜາ, ຫາກແມ່ນບັນຫາກ່ຽວກັບການຕໍ່ຕ້ານຄວາມຮຸນແຮງແລະການກໍ່ການຮ້າຍ ແລະຕໍ່ຕ້ານການແບ່ງແຍກດິນແດນ. ຈີນຮຽກຮ້ອງໃຫ້ອາເມລິກາຈົ່ງຢຸດຕິການກະທຳຊົ່ວຮ້າຍໃນການສວຍໃຊ້ບັນຫາຊິ່ນຈ່ຽງເປັນຂໍ້ອ້າງມາແຊກແຊງວຽກງານພາຍໃນຂອງຈີນທັນທີ, ປະຖິ້ມສອງມາດຕະການຢ່າງແທ້ຈິງ,ກະທຳໃນສິ່ງທີ່ມີຜົນປະໂຫຍດຫຼາຍກວ່າເພື່ອຕໍ່ຕ້ານລັດທິກໍ່ການຮ້າຍຫົວຮຸນແຮງ ແລະເພີ່ມທະວີການຮ່ວມມືກັນຕໍ່ຕ້ານລັດທິກໍ່ການຮ້າຍ. ຢ່າກື່ງຫີນຕັນທາງໃນການຕໍ່ຕ້ານລັດທິກໍ່ການຮ້າຍສາກົນອີກ!
ຄຳເຫັນ
0