ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແຕ່ວັນທີ 6-7 ທັນວານີ້, ການແຂ່ງຂັນຮອບທຳອິດຂອງການແຂ່ງຂັນເຮືອໃບສາກົນ “ໜຶ່ງແລວໜຶ່ງເສັ້ນທາງ” ປິ2019 ໄດ້ຈັດຂຶ້ນຢູ່ເກາະພູເກັດປະເທດໄທ. ທິມນັກກິລາເຮືອໃບ 73 ທິມຂອງຫຼາຍປະເທດໄດ້ເຂົ້າຮ່ວມການແຂ່ງຂັນ.
ການແຂ່ງຂັນເຮືອໃບຄັ້ງນີ້ແມ່ນສະມາຄົມກິລາເຮືອໃບ ແລະ Windsurfing ຈີນ, ພະແນກກິລາເຂດປົກຄອງຕົນເອງເຜົ່າຈ່ວງກວາງຊີ, ອົງການປົກຄອງນະຄອນເປີຍໄຫເຂດກວາງຊີຮ່ວມກັນເປັນເຈົ້າພາບຈັດຂຶ້ນ.
ທ່ານລູອີ້ເວີນ ຮອງຫົວໜ້າພະແນກກິລາເຂດກວາງຊີໃຫ້ຮູ້ວ່າ, ການແຂ່ງຂັນເຮືອໃບສາກົນ “ໜຶ່ງແລວໜຶ່ງເສັ້ນທາງ”ມີຈຸດປະສົງເພື່ອຊຸກຍູ້ການແລກປ່ຽນ ແລະ ການພັດທະນາຂອງກິລາເຮືອໃບຢູ່ຈີນ ແລະ ບັນດາປະເທດອາຊີຕາເວັນອອກສຽງໃຕ້, ກໍຈະຊຸກຍູ້ການແລກປ່ຽນ ແລະ ການຮ່ວມມືດ້ານການເມືອງ ເສດຖະກິດ ວັດທະນະທຳ ແລະການທ່ອງທ່ຽວລະຫວ່າງຈີນກັບອາຊຽນ, ເພີ່ມທະວີການເຊື່ອມສານຈິດໃຈຂອງປະຊາຊົນ ແລະ ການຖອດຖອນບົດຮຽນເຊີ່ງກັນລະກັນຂອງປະເທດລຽບຕາມ “ໜຶ່ງແລວໜຶ່ງເສັ້ນທາງ”.
ການແຂ່ງຂັນເຮືອໃບສາກົນ “ໜຶ່ງແລວໜຶ່ງເສັ້ນທາງ”ຄັ້ງນີ້ຈະດຳເນີນໄປຮອດວັນທີ 12 ມັງກອນ 2020, ໂດຍຈະຈັດຢູ່ນະຄອນເປີຍໄຫຈີນ, ສິງກະໂປ, ແລະ ພູລາວ ລັງກາວີປະເທດມາເລເຊຍ, ແລະຈະຈັດກິດຈະກຳແລກປ່ຽນຕ່າງໆ.
ຄຳເຫັນ
0