ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວັນທີ 7 ທັນວານີ້ຕາມເວລາທ້ອງຖິ່ນ, ທ່ານວີນ ໝີນ, ປະທານາທິບໍດີມຽນມາໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຫວາງອີ້, ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຂອງຈີນ.
ທ່ານຫວາງອີ້ກ່າວວ່າ, ຈີນຈະຍຶດໝັ້ນສະໜັບສະໜູນໃຫ້ມຽນມາເດີນຕາມເສັ້ນທາງພັດທະນາທີ່ສອດຄ່ອງກັບສະພາບຕົວຈິງຂອງປະເທດຕົນ, ຍຶດໝັ້ນສະໜັບສະໜູນໃຫ້ມຽນມາປົກປ້ອງສິດຜົນປະໂຫຍດຢ່າງເປັນທຳແລະກຽດສັກສີແຫ່ງຊາດໃນເວທີສາກົນ, ຍຶດໝັ້ນສະໜັບສະໜູນມຽນມາທີ່ທຳຄວາມພະຍາຍາມເພື່ອປົກປັກຮັກສາການພັດທະນາແລະຄວາມໝັ້ນຄົງຂອງຕົນ. ພວກເຮົາສະແດງຄວາມຂອບໃຈຕໍ່ມຽນມາທີ່ໄດ້ຍຶດໝັ້ນໃຫ້ການສະໜັບສະໜູນຕໍ່ຈີນໃນບັນຫາທີ່ກ່ຽວພັນເຖິງຜົນປະໂຫຍດໃຈກາງຂອງຈີນແລະບັນຫາສຳຄັນທີ່ຈີນໃຫ້ຄວາມສົນໃຈ.
ທ່ານຫວາງອີ້ກ່າວວ່າ, ປີ 2020 ແມ່ນຈີນ-ມຽນມາສ້າງສາຍພົວພັນທາງການທູດຄົບຮອບ 70 ປີ, ຈີນຍິນດີຮ່ວມກັນກັບມຽນມາສະຫຼຸບບົດຮຽນຢ່າງສຳເລັດຜົນໃນດ້ານການຮ່ວມມືລະຫວ່າງສອງປະເທດ, ວາງແຜນການພັດທະນາໃນອະນາຄົດຮ່ວມກັນ, ຈັດກິດຈະກຳສະເຫຼີມສະຫຼອງຕ່າງໆໃຫ້ດີແລະຊຸກຍູ້ໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ມຽນມາກ້າວເຂົ້າສູ່ລະດັບໃໝ່, ແລະຍຸກສະໄໝໃໝ່.
ຄຳເຫັນ
0