ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ທັນວານີ້, ຢູ່ເນບີໂດ, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານນາງອອງຊານຊູຈີ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດມຽນມາ.
ທ່ານຫວາງຢີ້ກ່າວວ່າ, ຈີນຍິນດີຮ່ວມມືກັບມຽນມາເພື່ອຊຸກຍູ້ໃຫ້ແລວທາງເສດຖະກິດຈີນ-ມຽນມາຈາກແຜນການເຂົ້າສູ່ໄລຍະການກໍ່ສ້າງຕົວຈິງ, ເພື່ອສ້າງເປັນໂຄງການຕົວແບບຂອງ “ໜຶ່ງແລວ ໜຶ່ງເສັ້ນທາງ” ຈີນ-ມຽນມາ. ການເຊື່ອມໂຍງພື້ນຖານໂຄງລ່າງແມ່ນໂຄງສ້າງຂອງແລວທາງເສດຖະກິດຈີນ-ມຽນມາ, ສອງຝ່າຍຄວນດຳເນີນການຮ່ວມມືທີ່ກ່ຽວຂ້ອງຢ່າງແທ້ຈິງ. ສອງຝ່າຍຍັງຄວນເລັ່ງລັດຊຸກຍູ້ການສ້າງເຂດເສດຖະກິດພິເສດກຽວພູ ແລະເຂດຮ່ວມມືເສດຖະກິດຊາຍແດນຈີນ-ມຽນມາເປັນຕົ້ນ.
ທ່ານວາງຢີ້ກ່າວວ່າ, ແຕ່ໃດມາ, ຈີນກໍ່ໄດ້ສົ່ງເສີມການສ້າງສາຍພົວພັນລະຫວ່າງຊາດຫັນແບບເປັນປະຊາທິປະໄຕ, ຍຶດໝັ້ນໃຫ້ບັນດາປະເທດປະຕິບັດຕໍ່ກັນຢ່າງສະເໝີພາບ, ຄັດຄ້ານການແຊກແຊງວຽກງານພາຍໃນຂອງປະເທດອື່ນ, ບໍ່ເຫັນດີສ້າງບັນຫາສອງຝ່າຍໃຫ້ເປັນຫຼາຍຝ່າຍ. ການພັດທະນາແລະຄວາມຈະເລີນຮຸ່ງເຮືອງຂອງຈີນແມ່ນການເຕີບໂຕຂອງກຳລັງສັນຕິພາບ, ເຊິ່ງຈະນຳເອົາໂອກາດພັດທະນາໃຫ້ແກ່ບັນດາປະເທດໃນໂລກ ໂດຍສະເພາະແມ່ນປະເທດອ້ອມຂ້າງ. ໃນຂະບວນວິວັດການພັດທະນາແຫ່ງຊາດຂອງມຽນມາໃນຕໍ່ໄປພາຍໜ້າ, ຈີນຈະຍຶດໝັ້ນຢືນຮຽງກັນກັບປະຊາຊົນມຽນມາຢ່າງເດັດດ່ຽວໜຽວແໜ້ນ.
ຄຳເຫັນ
0